IBAI Ikastolan, INGURUMENAren ALDE

2018-2019 ikasturtean, KONPETENTZIA ZIENTIFIOAren lanketaren baitan, eskolan sortzen diren hondakinen birziklapena aitzaki, eskola osoan proiektua garatu dute. Proiektu honetan, ziklo bakoitzak aurrikusitako erronka bati erantzuna emateko bere ikasprozesua, planifikatu eta aurrera eman du.

Honek komunitate osoan islada izan du eta honen adibide hirugarren zikloaren azken ekoizpena: kotoizko zorrotxoa.

AMA LURRA gure PLANETA denon arteko jarrera ARDURATSUAK ADOSTU eta AURRERA eraman.

KONTSULTORE MINTEGIA 2018-2019

2018-2019 IKASTURTEA-KONTSULTORE MINTEGIA

GAIAK
- Ikasturte hasierako orientabideak: prozedurak, protokoloak, aplikazioa...
- Kontsultoreen esku-harmena HH eta LH etapetan; esperientzien trukatzea.
- Haur Hezkuntzatik Lehen Hezkuntzarako trantsizioa: gogoeta, proposamenak eta esperientziak
- Tutoretza plana: garapen pertsonala, harremanak, ikaskuntza prozesuak eta lanbide-orientazioa


ORDUTEGIA:
asteazkena, 9:00 - 11:00

EMAILEAK:

Arantza San Sebastian-Maxus Zaldua-Karmele Zubeldia




Izen emateko: http://berritzeguneak.net/eu/actividades_detalle.php





ARMIARMA SAREA--
-------------------------Gaurkoan, taldeko kide guztiak elkar ezagutu eta norberaren asmoak mintegiarekiko jasotzeko erabili dugun talde kohesiorako jolasa.

HLEen FORMAKUNTZA saioa 2018eko ekaina

HEZKUNTZA     LAGUNTZARAKO      ESPEZIALISTEn   FORMAKUNTZA: TEACCH oinarriak

"Orden fisikoak bultzatzen du orden mentala" Jesus García

Aurtengo HLE formakuntza 2 saiotan eskaini dugu. Ekainaren 25 eta 26an  EHU-UPVko FILOSOFIA ETA HEZKUNTZA ZIENTZIen Donostiako Fakultateko  Areto Nagusian. 

Antolamendu honetan Gipuzkoa osoko BGek parte hartu dugu. Aurtengoak  egituran aldaketa ekarri du, orain arte bi zonaldetan banatutako formakuntza, modu bateratuan eskaini dugu,  gaiak piztu duen interesarengatik.

Ikastaroaren emailea,  GAUTENA elkarteko, TALDE KLINIKOAren Psikologoa den, Jesus García Alonso izan da. 

Formakunttza saioaren helburu  nagusia: TEACCH metodologiaren oinarriak eta teknikak gure egitea eta hauen garapena eskolan  aurrera eramateko estrategiak ikastea izan da. Egitura egokiak  eskaintzeak, ikasleen erregulazioan laguntzen duela azpimarratuaz.

TEACCH akronimo bar da: Autismoa  edota   Hezkuntza premia bereziak  eta komunikazio arazoak dituzten ikasleen tratamentu eta heziketa esan nahi du.

1972-Ipar Carolinan martxan jarri zuten Eric Schopler eta   Gary Mesibow-ek

GAUTENAk 1987a ezkeroztik erabiltzen duen  eredua da.

Zertan da lagungarria?

               DENBORA       ESPAZIO      eta     LAN EGITURAK EGOKITZEN

                           

⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞⃞

Golden 5: argia ikasgeletan

Ez da lehenengo aldia Golden 5 proiektuaren berri ematen dugula Donosgune blogean. Ikasturte honetan ere zabaldu genuen programaren oinarrizko informazioa sarrera honetan:
Golden 5: Gure ikasleek distira egin dezaten.
Bertan jaso dezakezue proiektuaren nondik norakoa eta, horregatik, oraingoan ez dugu azalduko. Gaurko nahia, ordea, zera da: azken ikasturtean zer jaso dugun eta epe laburrean zer aurreikusten dugun konpartitzea.

2016-17 ikasturtean, mintegi berezia eraman dugu aurrera, berezia formatuan eta edukian. Formatuari dagokionez, zortzi saio izan ditugu, bost Berritzegunean, Donostiako ikastetxeetako arduradunentzat, eta hiru EHUko egoitzetan, Maria Jose Lerak emanda, Gipuzkoa osoko ikastetxeetatik etorri diren irakasleentzat. Berezia ere, edukiari dagokionez, proiektuak hartu duen sendotasunaren ondorioz. Alegia, bost eremuetan sakontze lan handia egin dugu, gako urratsak oinarrizko behar psikologikoak asetzeko duten ahalmena arakatuz. Arakatze hau Maria Jose Lerak hasitako prozesu bat izan da eta ahalbidetu du zonaldetako mintegietan bide bera jorratzea. Zabaldu den bidearen ideia bat izan dezazuen, "Golden 5: luz para las aulas" liburuaren hitzaurre zati bat ekarri dugu hona

Formakuntza sakona izan da, beraz, eta hala baloratu dute mintegian parte hartu duten irakasleek ere. Partaideen ekarpen batzuk hona ekarri ditugu, Golden proiektua haratago doala islatzen dutelako:

Alderdi zabalak betetzen ditu Goldenek; eduki ugari eta aberatsak. Kontzientzia pizten lagundu digu, ondo egiten ari garena ikusi eta horretan sakondu eta zuzendu beharreko jarrerak era egokian, "konplexurik gabe" zuzentzen. Saio hauek arnasa eman digute indarberritu eta aurrera egiteko. Gizarte positiboa sortzeko oinarriak ezagutu ditugu eta, neurri batean, martxan jarri.

Bat egiten dugu pertzepzio horrekin proiektuan gabiltzan aholkulariok. Golden 5 zabaltzen eta sakontzen doa. Gizabanakoaren autodeterminazioa oinarri, heziketa praktika osoa hartzen du eta komunikatzeko, ikasteko, pentsatzeko, elkarrekin bizitzeko, ekimenerako eta izaten ikasteko bide bikaina dela uste dugu. Eta, jakina, ikaslearen zehar-konpetentzia guztiak garatzen dituenez, ez dago esan beharrik diziplina barruko konpetentzietan ere sekulako eragina duela.

Horregatik, eskola eta gizartea hobetzeko bide horretan sakonduz, honako gaiak ekarriko dizkigu datorren ikasturterako antolatzen ari garen prestakuntzak:

1. 2016-17 ikasturtean ikastetxeetan egin den ikerketaren emaitza, indarguneak azpimarratuz eta hobetzeko esku-hartzeak proiektatuz. Ondorioz, Golden 5aren sistematizazioa (ikerketan lehenetsitako gakoen baitan) ikasgelaren programazioan integratuta.
2. Golden 5 ikasgelan inplementazioaren adierazleak, “CLASS: Classroom Assessment Scoring System” tresnaren bidez.
3. Golden estrategiak Tutoretza Planean.

Oinarria, beti ere, gizakiaren hiru oinarrizko behar psikologikoak (gaitasun-ustea, harremanak eta autonomia) asetzea delarik eta jakinda hortik etorriko zaigula ikastetxeetan behar dugun bakea eta giro ona.

"Gauza berriak gertatzea nahi baduzu, ez ezazu betikoa egin"

Fisika kuantikoaren oinarrizko printzipioa

Sexualitatea eta afektibitatea ezgaitasun intelektuala duten pertsonengan

Donostiako Berritzegunean ikastaro honen lehenengo saioari hasera eman diogu aste honetan. Hizlaria, EHUko Psikologia Fakultateko irakaslea den JAVIER GOMEZ-ZAPIAINekin.
Bigarren saioa urtarrilaren 26an izango dugu

ZER DA SEXUALITATEA? Gure izatea bera da, bere osotasunean.
MERLEAU-PONTY 1975

Sozialki, Hezkuntza eta Osasun esparruak hartzen baditugu, Sexualitatearekiko hurbilketa, gaur gaurkoz oraindik ere, BELDURRAren bidez egiten da. 

Garapen psikosexualaren eredu biografiko batetik abiatuta OSASUN alorretik nola esku-hartu jakiteko proposamenak jaso ditugu.

Informazioa osatzeko:

UHIN BARE http://www.sc.ehu.es/ptwgozaj/ubberri/

SEXU MUXU http://www.uhinbare.com/index.php/eu/

Gorputz Hezkuntza ezgaitasuna duten ikasleentzat, ikuspegi inklusibotik begiratuta-2.saioa

XABIER LEIZEA- KIROLENEko irakaslea  eta GAITUZ SPORT programaren arduradunak eskeini digu  2.saioa abenduaren 2ean.

Saio honetan kontzeptuak argitu ditugu:

 URRITASUNA- egitura edo funtzio psikologiko, fisiologiko edo anatomikoaren galera edot kaltea.

EZGAITASUNA-gaitasunen murrizketa edo ausentzia urritasun batek sortarazten duenean, normaltzat hartzen den gauza bat egiteko.

ELBARRITASUNA-MINUSBALIOTASUNA- urritasun edo ezgaitasunun baten ondorioz, pertsonak duen desabantailezko egoera eta honen ondorioz bere kasuan normalak diren jarduerak edo ekintzak mugatzen edo eragozten duenean.

Bestalde, argi geratu da, irakaskuntzan jarduten dugunok, ezgaitasun eta minusbaliotasunak eta baita hauek sortzen dituzten desabantaila sozialak ekiditen laguntzeko eragileak garela,

Horretarako PRESENTZIA -PARTEHARTZEA-GARAPENA BERMATU behar dira,  Eskola Marko Inklusiboan.

Formakuntza saio hauek jarraipena izango dute 2017ko urtarrilaren 16tik  aurrera, Eskola Marko Inklusiboaren baitan programaketak nola garatu ikusteko.

INFORMAZIO gehiagorako begiratu BERRITZEGUNEko WEBean prestakuntza-ekintzen atala(http://g01.berritzeguneak.net/eu/)

Gorputz Hezkuntza ezgaitasuna duten ikasleentzat, ikuspegi inklusibotik begiratuta

XABIER LEIZEA- KIROLENEko irakaslea  eta GAITUZ SPORT programaren arduradunak eskeini digu  saioa urriaren 21ean. Bertaratu direnen artean, Gorputz Hezkuntzako espezialistez gain, Okupazio terapeuta,Fisioterapeutak, Tutore, PT eta HLEak ere izan dira. Elkarrekin aztertu dugu eskola INKLUSIBOAk zer eskaini behar duen, eta nola egituratu behar den GHko arloa; metodologia oinarrietatik abiatuta , antolamendu eta jarduera konkretuetaraino.  

 

Datorren saioa abenduaren 2an 10:00etatik -12:00etara

Ikastaro honek jarraipeneko  bigarren atala izango du urtarrilean: eskola marko inklusiboaren baitan programaketak nola garatu ikusteko. 

INFORMAZIO gehiagorako begiratu BERRITZEGUNEko WEBean prestakuntza-ekintzen atala (http://g01.berritzeguneak.net/eu/)

Golden 5: Gure ikasleek distira egin dezaten

"Zure umeak distira egin dezan" izenburuarekin argitaratu zuen Argiak 2014ko uztailean artikulu zabala eta ondo ekarria Golden 5 programari buruz. Hik Hasi aldizkariak ere sakon jardun zuen gaiaz 2015eko martxoan. Eta handik gutxira, Convives-ek ekarri zuen argitara programa eta programaren inguruko hainbat informazio.

ARTIKULUAK PDF FORMATUAN Argia:  Zure umeak distira egin dezan Hik Hasi: Ikasle bakoitzaren onena ateratzea xede Convives: Programa Golden: Una mirada positiva al desarrollo del alumnado

Euskal Herrian argitaratu ziren bietan aipatzen zen 40 inguru ikastetxeek hartu zutela parte Golden 5 programaren hasierako urtean, eta 86 hurrengoan. Une honetan, 2016-17 ikasturtean, 120 ikastetxe baino gehiago dabiltza Gipuzkoako berritzeguneek antolatzen ditugun mintegi eta lurraldeko saioetan. Sekulako arrakasta.

Baina arrakasta ez da zenbat ikastetxe ari diren programa bat aplikatzen. Arrakasta da Gipuzkoako hainbat eskoletako ehunka irakasle, egunero, ikasgelara sartzen direla euren ikasleek distira egin dezaten helburuarekin. Zertan oinarritzen dute beren asmoa? Nola lortzen da hori?

Golden 5 bi teoria nagusitan oinarritzen da: batetik, espektatiben teorian eta, bestetik, atribuzioen teorian. Espektatiben teoria, Pigmalion efektua ere deitzen zaiona, 1978an Roseenthal-ek garatutako teoria da. Haren esanetan, irakasle batek ikasle batenganako espektatiba altuak baditu, ikasle horrek emaitza hobeak lortuko ditu. Teoria horren funtsean dagoen oinarria “pentsatzen duguna ikusten dugula” da. Heiderren atribuzioen teoria ere aspalditxokoa da, 1958koa hain zuzen, eta hainbat esparrutan erabili bada ere, ez du hezkuntzan aplikazio handirik izan. Labur esanda, atribuzioak partekatzen ditugunean gure arteko harremana estutzen denez, askotan egiten dugu konturatu gabe. Irakasleen artean ere berdin gertatzen da eta batek besteari ikaslearen inguruan atribuzio negatiboa egiten badio, besteak inkontzienteki indartzeko joera izango du, beraz, espektatiba negatiboak zabalduko dira. Aldiz, ikaslearen gaineko atribuzio positiboak partekatzen badira, ikasle horren alderdi positiboak hartuko du indarra eta ikaslea bera loratzen joango da.

Ondorengo bideoan azaltzen du espektatiba eta atribuzioen gaia Maria Jose Lerak, Golden 5 programaren egileetako bat

Ikaslea begirada positiboan jartzea eskatzen dio Golden 5ek irakasleari, baina, proiektua martxan jartzeko, horrekin ez da nahikoa. Programa egituratu, sistematizatu eta estrategia zehatzak markatu behar dira, irakasleek eguneroko jardunean aldaketak txertatuz joan daitezen. Horregatik, Golden 5 programa bost eremu nagusik osatzen dute. Funtsean dagoen ideia zera da: arlo horietako bakoitzean arreta jarriz, irakaslearen jardun osoa hobetuko da. Eta ondorioz, ikasle guztien eskola arrakasta nabarmen handituko da. Aurkezpen honetan azaltzen dira gakoak:

Asko luzatuko ginateke Golden 5ek eskoletako harremanetan eragiteko duen ahalmena azaldu nahi bagenu blog sarrera batean. Batetik, planteamendu oso garatua eta zehaztua duelako eta, bestetik, eten gabe garatzen ari delako, bai irakasleen praktikak programari egiten dizkion ekarpenekin, baita egileak egiten ari diren sakontzeko lanari esker ere. Sakontze lan horren emaitza, Maria Jose Lerak idatzi duen eta laster argitaratuko den liburua, programa bera eta jasotako esperientziak azaltzeaz gain, gizakia ulertzeko teorien ikuspuntu landua eta oso baliagarria ematen duena. Gure ikasleek guztiek distira egin dezaten eta, ondorioz, irakasleen bikaintasuna eta gizartearen harmonia handiago izan dadin.

GEHIAGO JAKITEKO

- Golden 5 erakundearen webgunea - Donostiako Golden 5aren moodlea

Kulturartekotasuna eta hizkuntzak indartzea 3. saioa eta azkeneko berriak

Azaroaren 9an Amelia Barquínen saioa izan eta gero aste bat beranduago ikastaroaren parte-hartzaileentzat antolatuta zegoen 3. saioari heldu zitzaion. Aurreko jardunaldiei birpasa eman ondoren, hirugarren saio honetako gairik nagusienak Hizkuntza Tratamendua, alde batetik, eta Ikaslearen Norbanako Plana, bestetik, izan ziren. Denborarik ezean lehenengoa bakarrik jorratu ahal izan zen.

Elkarreraginean egon eta zenbait txosten nahiz iradokizunak komentatu ondoren hona hemen saioan ateratako zenbait ondorio edo ildo nagusi:

Entzumena prozesuaren garrantzia.

Ahozko trebetasun honetatik hizkuntzarekin zer ikusia duten beste trebetasunak ere kontuan hartu behar direla.

Ahozkoaren ulermena (entzumena) landu behar da, ahaztu gabe zer den entzutea ere edo entzuten jakitea ere jokoan dagoela.

Hiztegiaren garrantzia.

Hizkuntzen jarrerak irakatsi egin behar direla.

Hizkuntza Proiektuaren erreferentzia ikastetxe batean.

Hizkuntzaren jabekuntzaren faseak begiztatzea.

Hizkuntza ikaskuntzaren oinarriak present izatea.

Hizkuntza programa(zioa)-ren marko bat izatea

BESTALDETIK, AZKENEKO BERRIEK diotenez Hezkuntza Saileko arduradunek plan berria mahai gainean jartzea erabaki dute. Izena: "2016-2020ko eskola inklusiboaren eta kultura artekoaren eremuan Ikasle Etorkinei Hezkuntza-arreta emateko II Plana".

"Erkidegoko Herritar Etorkinen Integrazio eta Partaidetza Sozialerako Foroaren Hezkuntza Batzordea"n aukeztu dute. Baita beste foro batzuetan ere. Ekarpenak egiteko epe bat jarri nahi dute.

IREKIA webgunean daukazue aurrerapen moduan.

Musika aniztasunera zabaltzen

Gaurko saioan, GAIKUNTZA,INTEGRAZIOA eta NORMALIZAZIOAren oinarriak aurrera eramanaz, musika aniztasunaren erantzunean nola ulertu ikusi dugu.

Horretarako, Kontxuelo Aizpuruak materialen azterketa egiten lagundu digu.Sarean dauden baliabide ugariren berri jaso dugu.
ASCHERO sistema ezagutzeaz gain, bere oinarrietatik abiatuta,musika partiturak egokitzeko  lehen urratsak emanez saioari amaiera eman diogu. 



GEHIAGO JAKITEKO: 
http://sergioaschero.com.ar/numerofonia.
https://www.noteflight.com/login
http://educacionmusical.es/partituras-interactivas-para-flauta-dulce/
Recorder notes: http://educacionmusical.es/partituras-interactivas-para-flauta-dulce/
https://www.youtube.com/watch?v=8djlMCgMd1E
http://laflautadulce.org/
https://donlumusical.wordpress.com/flauta/
https://www.youtube.com/results?q=flauta+dulce+recorder+notes&sp=SADqAwA%253D
 

Komunikazioa eta autismoa

Ikastaro honekin eman diogu hasera ikasturteari. Bertan, Hezkuntza Sailerako lan egiten duten Gipuzkoako EHI eta logopedak bildu dira formakuntza saio honetan.

IRIDIA taldeko psikologoa den Laura Velayos-ekin landu duguna :

• TEA duten haurrengan ematen diren komunikazio premiak nola ebaluatu ikasi dugu.
• Komunikazio eskuharmenerako helburuak.
• Komunikazio nahia eta  eta bapatekotasuna sustatzeko estrategiak.
• Komunikazioa Haunditzeko sistemak: PECS, SCHAEFFER...
• Familiekin lan egiteko tresnak.

Formakuntza saioan kasu praktikoak ikusi ditugu, elkarrekin saio komunean egunerokotasunean izaten diren zalantzak eta kezkak argitzearekin batera.

Loturak: http://www.equipoiridia.com/web_ei/

http://www.pecs-spain.com/pecs.php

http://www.aumentativa.net/signos.php

http://arasaac.org

http://www.asociacionalanda.org/web/index.php?option=com_docman&Itemid=820

http://www.imageneseducativas.com/coleccion-de-actividades-metodo-teacch-y-guia-de-trabajo/

Jakintza Ikastola auzoko bizitza hobetzen

Proiektu ederra egin dute Jakintza Ikastolan eskola eta auzoaren arteko erlazioa sustatzeko. Jakintza Ikastola (ikasleak, irakasleak, langileak eta gurasoak), Tabakalerako hezkuntza taldea eta Antiguako auzokideen arteko elkarlanaren bidez garatu dute.

Tabakalerako kultur proiektuen prozesuan kokatzen da ekimena. Hezkuntza komunitate eta Elkarteekin programan, hain zuzen ere. Azken urteetan “Haurren Hiria” bezalako esperientziei esker, hirigintza, hiritarren parte hartzea, eskola eta hezkuntza kontzeptuak modu zabalago batean ulertzen dira eta espazio publikoa, hezkuntza proiektuak garatzeko testuinguru eta lanerako espazio bilakatu da, eraldaketa sozialerako aukerak eskainiz.

Jakintzako ikasleak beren gustuko txokoak planoan adierazten   cc-by-sa Tabakalera

Abiapuntua honako hau izan da:
Nolakoak dira gure eskolako eta inguruko espazio publikoak? Nola eraldatu eskola eta auzoaren arteko erlazioa? Helburua, hiria, hezkuntza eta praktika kolaboratiboak bultzatzea eskolako espazioetan eta auzoan.

Eta lehenengo deialdi honetan Jakintza Ikastolak aurkeztutako proiektua izan da aukeratua. Egitasmoa Erregezain eta Heriz kaleak lotzen dituen pasabidea biziberritzearen desiotik sortzen da. Toki berezia da, bai ikastolako ikasleek eta bai bizilagunek erabiltzen dutelako. Leku atseginagoa bihurtzeko helburuarekin, gustuko dituzten auzoko toki batzuk esploratzen aritu dira, pasabiderako proposamenak eta ideiak jasotzeko. Ondoren, eraldaketa denon artean diseinatu eta garatu dute kultur-trukerako espazio bat sortuz.

Horrekin guztiarekin, auzoa eta eskolaren arteko harremanak estutu nahi dituzte, eskola auzora ateraz eta auzoko txoko batzuk “eskola” bihurtuz. Ikastolatik auzora! Pasabide berriaren irekiera ekainaren 3an izango da, arratsaldeko 17:00etan

Jarraian,  ikus eta entzun dezakezue protagonistek beraiek kontatutakoa.


Jakintza Ikastola: Hiria, hezkuntza eta praktika kolaboratiboak from Tabakalera on Vimeo.

Zuhaiztiko mediatekara egindako ibilbide pedagogikoa

Apirilean 26an eta Donostiako Berritzeguneak antolatzen dituen Ibilbide Pedagogiko ekimenaren barruan, Zuhaiztiko Mediatekara bisita egin genuen irakasle , aholkulari eta liburutegietako arduradun batzuk eta koordinatzailea ere.

Han eskolako zuzendaria Feli Barrenetxeak eta Mediatekaren arduraduna Marga Rodriguezek ongietorri beroa eman ziguten.

Bi orduko saioan mediatekaren garrantzia eskola proiketuan , liburutegiaren antolaketa bikaina eta ikasleen partaidetzari adierazi eta azaldu ziguten.

Margak egindako azalpena gogoberotasun handiz eta konbentzimendu osoz emandakoa izan zen . Mediatekaren arrakasta faktore desberdinetan datza , bina nik bi aipatuko nituzke: zuzendaritzaren babesa eta apostua eta irakasleen eta ikasleen konpromisoa.

Beraiek azaldutako diagrama honetan ondo ikusten da Mediatekaren kokapena Zuhaiztiko Hezkuntza Proiektuan

Mediateka lana eta helburuak hola laburbildu genitzake:

1.- Curriculumaren euskarri eta sostenua izatea.

2.- Irakurmena eta idazmena ikasteko, asialdirako eta komunikatzeko erabiltzea.

3.- Irakurzaletasuna bultzattzea.

4.- Erabiltzaileen(ikasleen) prestakuntzari eustea: informaziora nola iritsi

5.- Eskolako baliabideak zentralizatzea, aukeratzea, eskuratzea eta zabaltzea.

Irakurketa bultzatzeko ekintzetan hauek dira aipagarrienak:

• Liburutegiaren Eguna urriaren 24a : kartelak eta pregoia. liburu banaketa eta ipuin eta markatzaile lehiaketa.

• Maleta bidaiariak: Haur Hezkuntzako irakasleekin koordinatua, familiartean irakurketa sustatzeko helburuarekin eta 8 maleta prestatzen dira etxez etxe bidaiatzeko.

• Liburuaren astea: liburuaren egunarekin bat eginez, eskolako kide guztiek parte hartzen dute ekintzez beteriko astean. Kamishibai ipuinak, irakurketa maratoia, munduko kulturak, idazleen bisita...

• Poemas del Universo : LH 6 ikasleekin "Unibertsoa" proiektuaren batera. Poemak eta poetak landuz.

• Aldizkako lehiaketa: erabiltzen da liburutegiko ikasle erabiltzaileen prestakuntzarako eta mediatekako ikasle laguntzaileekin batera prestatzen da.

• Irakur lagunak: Hau proiketu berria da ikasturte honetan martxan jarria. Ikasketa kooperatiboa eta berrdinen arteko tutoretza ardatza duelarik.

Gauza asko daude esateko eta esan dudan bezala saioa bikaina izan zen baina sarrera asko luzatuko litzateke, beraz Margak gurekin konpartitu zuen esaldi batekin bukatuko dut:

"Una biblioteca no es un lujo, sino una de las necesidades de la vida"

(Henry Ward Beecher)

Y una de las necesidades de la educación, añadiria yo.

Mila esker Zuhaizti!!.

Ebaluazioa ikastearen zerbitzuan

Dolors Quinquer, Bartzelonako UAB-eko irakaslea cc-by-sa Donostiako Berritzegunea

Dolors Quinquer gurekin izateko atsegina izan dugu Berritzegunean. Zonaldeko irakasleekin konpartitu dugu ebaluazioaren inguruan ekarritako perlaz betetako hitzaldia:

"Nolakoa da zure libreta? Nolakoa da eskolan erabiltzen duzuen nota-koadernoa? Zerk agintzen du zutabe horietan?
"Benetan eskatzen ari zarenaren inguruan ikasleari ematen diozun mezurik argiena, ebaluatzeko moduarekin egiten duzu"
"Ebaluazioa ikas dezaten erabiltzea da kontua. Ebaluazio baliagarria interesatzen zaigu"
"Zeintzuk diren ezagutza-giltzarriak eta zeintzuk ezagutza-apaingarriak garbi bereiztuz egin dezagun programazioa eta ebaluatu dezagun"

Era horretako gogoetak tartekatuz (plater gustagarri batean usain-belar zipriztinak bailiran), joan da aletzen sekuentzia didaktikoaren faseetan egin behar den ebaluazio lana.

Azaldu, transmititu, animatu eta konbentzitu nahi gaitu Quinquerek. Hain garbi ikusten du irakastea zer den, non ez baita konformatzen ideiak botatzearekin. Ideia horiek gureak egin ditzagun nahi du. Eta horretarako eskaini dizkigu tresnak, materialak eta ereduak. Baina ez nolanahiko materialak eta ereduak, ikasgelako jardunean diseinatuta eta ikasgelan jorratutakoak baizik.

Azalpenaren bukaeran, kezkez eta zailtasunez hitz egiteko aukera izan dugu eta argigarriak eta pizgarriak izan dira Dolors Quinqueren ekarpenak. Maistra bat da, zalantzarik gabe.

Ikaskuntza Kooperatiboa. Ibilbide pedagogkikoa Sto Tomas Lizeoan

Ikasturte honetako apirilaren 20an, Ikaskuntza kooperatiboaren inguruko ibilbide pedagogikoa antolatu genuen gure eskualdean.

Ibilbide pedagogikoa, irakasleen lanbide garapena laguntzen duen jarduera da eta eskualdean garatzen ari diren proiektuen ezagutza sakona izaten laguntzen du. Badira urte batzuk formula hau Donostiako Berritzeguneko eskualdean erabiltzen hasi ginela eta hainbat ikastetxek antolatu dituzte honez gero beraien proiektuen azalpenak. Ibilbidean, eskualdeko ikastetxeetako 20-25 irakasle, koordinatzaile. zuzendaritza taldekidek hartzen dute parte eta proiektua garatzen ari den ikastetxean bertan garatzen da jarduera: proiektuaren nondik norakoa, testuinguruaren ezaugarriak, emandako pausoak, egindako aurrerapena eta izandako zailtasunen gainditzea azaltzen dira. Ondoren, ikasgeletan ikusten da proiektuaren zati baten gauzatzea eta azkenik, ikusitakoaren inguruko tertulia egiten da.




Ikaskuntza kooperatiboari buruzko Ibilbide Pedagogikoa Santo Tomas Lizeoan egin genuen. Bertan, Zuzendaritzako Iñaki, Olatz eta Amaiak proiektuaren markoa eta nondik norakoak azaldu zizkiguten. da eta honako alderdi hauek dira azpimarragarriak:

• Lehen Hezkuntza osoan garatzen ari diren proiektua da eta Ikasleen inklusioa du oinarri
• Irakasleek osatzen duten Talde eragileak dinamizatzen du proiektuaren diseinua, garapena eta jarraipena.
• Talde eragileko lau partaidek Donostiako Berritzeguneko Ikaskuntza Kooperatiboa mintegian hartzen dute parte.

Gela guztietan garatzen den kooperazio ikuspegi

Egitura kooperatiboak: arkatzak erdira, lau jakintsuak, bait-bi-lau, 

honen honako fase hauek landu dira:

1- Kohesio dinamikak: gelako partaideen ezagutza, aniztasunaren onarpena, errespetua, konfiantza...lantzeko. Tutoretza Planean sartzen dira.

2.- Egitura kooperatiboak: gelako lanak egiterakoan erabiltzen direnak eta guztien presentzia, partaidetza, ahotsa, iritzia, lekua, protagonismoa eta lorpena garatzeko: "arkatzak erdira", "orri birakaria", "Bat-bi lau"...

3.- "Talde Plana" osatzen du talde bakoitzak, non helburuak (Denok ikasiko dugu eta elkarlagunduz ikasiko dugu), partaide bakoitzaren ardura kolektiboa (koordinatzaileak, material arduraduna, laguntzailea, bozeramalea) eta norberaren ardurak... formulatzen diren. Talde plana aldika ebaluatu egiten da, ebaluazioaren helburua gehiagoa ikastea izanik. (Rubrika, Taldearen karpeta...)

Geletan ikusitako gaien praktika, hau izan zen: - LH1: "Letra zopa". Egitura: "txanda birakaria". Garbiñe Ezkurdia irakaslea.

- LH2: "Ordua lantzen". Egitura: Arkatzak erdira eta "guztiak bat". Ainhoa Agirre.

- LH3: " Airea eta bizidunak". Egitura: "Irakurketa partekatua", "Iritziak erdira", "3 minutuko geldiunea" eta "1-2-4") Lurdes Urruzola.

- LH4: "Elkartasun jokoak". Kohesio dinamikak. Maite Errasti.

- LH6: "Programa de radio". Egiturak: "Lectura individual con lápices al centro" Amaia Alberdi.

- LH6: "Talde Plan berria egiten". Egitura: Helburuak, rolak eta konpromisoak, "1-2-4" eta ·Erabakiak hartzen". Kristina Peña

Ibilbide pedagogikoaren azken jarduera bezala, irakasleen arteko tertulia egin genuen:

- Zer ikusi dugu geletan?
- Zer pentsatu dugu?
- Zein galdera egin dizkiogu gure buruari?

Irakasleen egindako lana baloratzeko "mantel birakaria" egitura erabiliz, partekatu genituen Ikaskuntza kooperatiboaren markoa eta praktikaren inguruko alderdi interesgarriak eta planteatzen dizkigun erronka.

Ibilbide pedagogikoa, Irakasleek ikasteko modu baliagarria dela ikusi genuen partaide guztiak. Mila esker Sto Tomaseko irakasle eta zuzendaritzari!!!

Sormena eta adimen anitzak: Musika, Plastika, Dantza, Antzerkia, Gorputz Hezkuntza irakasleei zuzenduak...

Donostia 2016k sorkuntza eta bitarketaritza artistikoaren inguruko jardunaldiak antolatu ditu apirilaren 27an eta 28an, 2016 gunean (Easo kalea 43)

Artistak, kultura kudeatzaileak eta irakasleak, harreman molde berrien bila


Jardunaldi hauek artista eta konpainia, kultura kudeatzaile, eta irakasle eta gizarte mailan lan egiten duten agenteei zuzenduta daude. Sorkuntza artistikoak egiteko moduak eraldatzea bait da helburua.

Bi egunetan zehar, zuzenean eta bere arduradunen ahotan, Euskal Herriko eta nazioarte mailako zenbait esperientzia inspiratzaile ezagutuko ditugu. Egonaldi formula ezberdinak, sorkuntza prozesuen inguruan mediazio jarduerak, edota hezkuntza eta curriculumarekin lotutako proiektu artistikoak ezagutzeko aukera izango dugu. 

Horietan, artistek, ikastetxeek eta/edo herritarrek, eta espazio eszenikoen kudeatzaileek harremanetan jartzeko modu berriak bilatu dituzte, euren eguneroko jarduna aberastuz eta sormenerako eta adimen anitzak lantzeko ahalmen handia duten programak eraikiz.

Programaren aurrerapena 

Jardunaldietan, besteak beste, pertsona eta proiektu hauek ezagutu ahal izango ditugu:

Carmen López eta Catherine Leconte Anis Gras zentroaren koordinatzailea eta zuzendaria dira. Zentro hori Paris inguruko XIX. mendeko destilazio-etxe ohi bat da, kultura esparru eta sorkuntza bizileku bihurtutakoa. Irakaskuntza plataforma irekia dute, irakasleek eta artistek osatutakoa. Bertan, ikastaroan zehar garatuko diren proiektuak baloratu, aztertu eta hautatzen dira. Arte eszenikoak Haur Hezkuntzara, Lehen Hezkuntzara, Bigarren Hezkuntzara eta Batxilergora zuzendutako curriculumaren edukiekin lotzen dituzten programak azalduko dituzte. Gainera, auzoko komunitatearekin dituzten beste proiektu batzuk aurkeztuko dizkigute.

Xabina Claverie Louhuson kokatutako Hameka sorkuntza fabrikako (lehen Harrixuri zena, batzuentzat ezagunagoa) bitartekaritza arduraduna da. Kaleko arteetan eta euskarazko antzerkian espezializatuta dago, eta ondo antolatutako sistema dauka. Horren bidez, mankomunitateko eragile askok (batez ere, ikastetxeek) aukera dute topaketa eta bitartekaritza jardueren bidez sorkuntza prozesuak lehen eskutik ezagutzeko.

Ana Eulatek, Pendiente dantza-konpainiakoak, De un papel en blanco bere proiektua aurkeztuko digu. Horren inguruan, hainbat jarduera pedagogiko garatu ditu, sorkuntza prozesuan zenbait ikastetxetako ikasleekin trukeak gaineratuta. Mercat de las Flors-en ohiko kolaboratzailea da. Horrekin, sorkuntza eremu honek dituen bitartekotza programa ugarietako batzuetan parte hartu du.  

Martin Padrón dantzaria, koreografoa eta Gomerako Koreografia Zentroaren eta bertako konpainia egoilarraren zuzendaria da. Sortzaile eta artista zereginez gain, dantzaren pedagogiaren eta gorputzaren inguruko hausnarketa burutu du bere ibilbidean. Ildo honetan engaiatuta dabil azkenaldian, irakasleak trebatuz, tailerrak eta klaseak emanez. Topaketa eta foro ugaritan parte-hartu du, publikoen sorkuntza, irakaskuntza eta dantza sormena zalantzan jarriaz, ikuspuntu inspiratzaile batetik.

Programa eguneratua hemen aurkituko duzu

Izen-ematea irekia dago 

Izena emateko fitxa

HLEen 2. koordinaketa saioa 2015eko martxoaren 25ean

 Donostiako ikastetxe publikoetan jarduten duten HLEn 2. koordinaketa saioa burutu dugu  Berritzegunean, HPBko LAN TALDEAK. Oraingoan ASPACEKO Talde teknikoa konbidatu dugu. 
Saioa 2015eko martxoaren 25ean izan da

ASPACE (Chus Gomara-Esther Bogajo eta Isabel Fernandez)

Ezgaitasun motorikoa duten ikasleen beharrei erantzuna ongizate eta partehartzea bultzatuaz.

1.      Hezkuntza proiektua.

2.      Metodologiaren  oinarrizko zutabeak.

3.      HLEen eguneroko jardunean ikasleekin  ditugun eskuharmenetan sortzen diren: beharrak/errealitateak/kezkak partekatzea.

4.      Eskuharmenen bideoak.  Ikaslearentzat ongizatea eta partehartze maila haundiagoa erraztuko duten  transferentziak.

Martxoaren 9 eta 16an  IÑAKI BIDEGAIN, Donostiako Berritzegunean.

Iñaki Bidegainek, ASPACEko neuropediatrak
 ikastaroa eskaini du bi egun horietan: GARAPENAREN ETA GARAPENERAKO ZIRKUITU KOMUNIKATIBO ARRAKASTASUAK izenburupean.

HELBURUAK: 

• Haurraren garapeneko lehenengo  hiru urtetako hamar momentu garrantzitsu aztertzea.
• Komunikazioaren garapenean, garapen kognitibo, afektibo eta exekutiboaren eragina aztertzea.
• Komunikazioaren trastornoetan pertsonen gaitasun komunikatiboak  aztertzea laguntzak bideratzeko.

EDUKINAK:

1. Elkar harremanak (elkarrizketa) hilabete batekin 

2. Oroitzapen iraunkorrak 8 hilabeteekin

3. Keinuaren hasiera

4. Keinua lantzen da.

5. Keinu zehatza, mezua landuta

6. Mezu zehatza hitzekin

7. Mezu zehatza bi hitzekin

8. Mezu zehatz konplexuagoa

9: Mezu konplexua marrazten

10. Mezu konplexu elebiduna

METODOLOGIA: Filmazioen bidez zirkuitu komunikatiboak aztertu dira, garapen arrunteko adibideak aukeratuz.

GEHIAGO IRAKURTZEKO
http://udaikastaroak2.i2basque.es/portal/index.php/press-noted/talks-summaries-press-cverano-uik-upv-ehu/416-inaki-bidegain-alberdi-edozeinek-lortu-dezake-erresonantzia-bat-zirkuitu-komunikatibo-arrakastatsu-bat-edukitzeko.html