Gelako harremanak hobetzeko mintegia: Golden 5 programa

Irailaren 23an egin zen Donostiako Berritzegunean gelako harremanak bideratzeko programa saioaren aurkezpena. Sevillako Unibertsitateko Mª Jose Lera izan genuen gurekin 30 ikastetxeetako 70 partaiderekin batera.



Saioaren ebaluazio orokorra oso baikorra izan zen. Egindako ebaluazioan, oinarri teorikoaren ikuspegi globala eta proposamenen praktikotasuna azpimarratu ziren.

Mintegian izena emateko...

Aurkezpen saioaren ondoren, gaia modu praktikoan lantzeko mintegia datorren urriaren 22an hasiko dugu, goizeko 9:00-13:30 tartean.

Golden 5 programan bost eremu daude: Gela kudeaketa, Harremanak eraikitzen, Giro soziala, Ikaste doitua eta Familia-eskola harremana. 14-15 ikasturtean hasiko dugun mintegi honetan bost eremuak landu nahi ditugu, hiru ikasturtetan zehar. Urriaren 22ko mintegi saioa "Harremanak eraikitzen" gaiarekin hasiko gara. Momentuz, Donostiako 15  ikastetxek eman dute izena eta epea irekita dago urriaren 20rarte

Hau da mintegiaren egutegia:

URRIAREN 22: 9:00-13:30
AZAROAREN 19: 11:30-13:30
URTARRILAREN 28: 9:00-13:30
OTSAILAREN 25: 11:30-13:30
APIRILAREN 29: 9:00-13:30
MAIATZAREN 13: 11:30-13:30

Mintegi saioetan gelan eta ikastetxean martxan jartzeko proposamen praktikoak egingo dira. "Agenda" izeneko dokumentua erabiliko dugu praktiken erregistroa eginez, oinarrizko pausoak eta estrategiak probatzen joateko. Praktika hoien harira egingo ditugu teoriarekin alderaketak eta aurrerabideak. Praktika eta teoriaren joan etorri honetan gela eta ikastetxean ditugun beste proiektuekin ere uztarketak egiten joango gara norbera bere testuinguruan: Ikaskuntza kooperatiboaren proiektua, Tutoretza Planak, Elkarbizitza Planak...Azken finean, ikastetxeak eskuhartean dituen planen arteko loturak eginez.
Programa honen beste erreferentziak batzuk ere sarean aurkitu daitezke.
Gehiago jakiteko, ikus hemen Argian argitaratutako erreportai bat.

KONTSULTORE mintegian ANIZTASUNAri erantzuteko esperientziak

2013-2014 ikasturtean ere KONTSULTORE  mintegia aurrera eraman dugu BG01ean.

Bertan,  besteak beste, ANIZTASUNAri erantzuteko estrategia metodologikoen praktiken adibideak jaso ditugu.

Horietako zenbait esperientzia jaso ditugu eta zuen eskura jartzea izan dugu helburu.
 Ikusi, ikasi eta gaiari heldu nahi izatera bertan dituzue argibideak.

§         AMASSORRAIN. Zentzumenak lantzen

http://prezi.com/pxchlxi8jhc-/hezagutuz-mundura-zabaldu/Zentzumenak lantzen esperientzia

Programa honen helburua da, ikasleek beren burua hobeto ezagutu dezatela  zentzumenen bidez eta euren barne oreka lortzearen bidez. Horretarako ariketa erlaxagarriak ezagutu eta lantzea. Hau eginez besteekiko dituzten harremanak hobetuko dituztelakoan.

Ikasturte hasieran, tutoreak behatutako ikasleen arteko harreman desorekatuak medio. Bai elkar hitz egiteko moduak, elkar fisikoki erlazionatzeko bai eta norbere egoera emozional zailak ikusita laguntza taldera bideratu zigun bere kezka.

Ardatza erlaxazio ariketetan dago oinarrituta zeintzuk kurtso osoan zehar goizeko lehen ordua aprobetxatuz eramaten diren aurrera norbere barne oreka hobetze aldera.

Ardatz honi jarraikiz kurtsoan zehar, tutoretza saioak erabiliz hamabost egunero 1 gutxi gora behera, gure 5 zentzumenak lantzeko saioak bideratzen dira. Saio hauek oso zehaztuta eta bideratuta daude Prezi aurkezpenaren bidez.

Funtsean, programa honen helburua da gure harremanak hobetzeko behar beharrezkoak diren gure zentzumenak  ezagutzea. Ikusmena, entzumena, ukimena, usaimena eta dastamena bai eta gure barne oreka lortzea.

Saioen ebaluaketa burutu ostean oso esperientzia baliogarritzat jo dute. Eragile guztiek ikusi dizkiote onurak: ikasleek, tutoreak eta aholkulariak. Gelako giroa lasaitu da eta lan giro hobea somatu dute.

§         ARANTZAZUKO AMA IKASTOLA. Ikaslaguna 

      http://kafetartea.com/2014/04/01/ikaslaguna/Ikaslaguna esperientzia

Kurtso hasieran bikoteak egiten dira: “zahar” bakoitzari “gazte” bat dagokio eta ikasturtean zehar ekintzak burutzen dituzte elkarrekin. Ikasle zaharrena bestearen tutorea eta laguntzailea izango da.

Bikote harreman hauekin elkar ezagutzea eta ikasleen artean elkar eragitea bilatzen dute.

Kurtso hasieran bikotekidearen aurkezpena egiten da, eta kurtsoan zehar, jaialdi, ekitaldietan… edo proiektu baten barruan elkarrekin egin beharreko lanak (euskararen eguna, liburuaren eguna…) burutzen dituzte.

Nolabait ere haundiak txikientzako erreferentzia bihurtzen dira eskola barruan eta eskolatik kanpo ere. 

§         IGELDO . Zinema proiektua. http://igeldoeskola.blogspot.com.es/search/label/ZinemaZinema Zinema esperientzia

Proiektuka lan egiteak aprendizaiaren ikuspegi eraikitzailea bultzattzen du.  Elkarreragina eta kooperazioa testuinguru esanguratsuetan aurrera eramaten da, jakintza arloen globalizaioa  ardatz izanik ( hizkuntza, plastika, musika, irteerak…). Hizkuntzaren ikuspegi komunikatiboa, hizkuntza ekintzak burutzeko tresnak izaten delarik. Ikasle, irakasle eta gurasoen harremanak estutu dira.
Esperientziaren nondik norakoak hauek dira:

- Lauko taldeak osatu (1.zikloko 2 ikasle//2.zikloko 1 ikasle//3. zikloko 1 ikasle)

Zinema gaiaren barruan “Umore saioa “ prestatu  txisteak kontatuz.

-1.saioa: Irakasleak txiste batzuek taldeari aurkeztu Taldekideek bina txiste irakurri eta aukeratu ondoren, batak besteari letra txukun eta irakurterrazean kopiatu-besteei eman ikas zezaten.

Hemen,  oraindik irakurtzen hain ondo ez zekitenek, irakurtzen zekitenen laguntza jasotzen zuten eta idazten hain ondo ez zekitenek edo hizkia hobetu behar zutenek besteen laguntza zuten.

-2.saioa:. Txistea ikasita ekarri.Pertsonaien banaketa egin, entsegatu eta antzeztu. Atrezzoa eta jantziak prestatu eta grabaketari ekin.  Horrela hizkuntza, trebetasuna eta interpretazioa landuz .

 Irakasleak muntaia prestatu eta “Umore saioa” izan zen azken emaitza. Saio hau eskolak proiektuaren amaieran antolatu zuen zinemaldian aurkeztu zen. 

HBSP (PREE) Mintegia- 3. saioa

       Atzo, egin zen 3. saioa eta sekuentzia didaktiko bat aurkeztu zen: JARABEAK
       Bereziki, sekuentzia Natur Zientzietako edukiak ikasteko egina dago, hain zuzen ere, disoluzioa,  bere ezaugarriak eta kontzentrazio kontzeptuak lantzeko, baina ahaztu gabe ikasleek idatzizko testuak ulertu behar dituztela,  ahoz zein idatziz ikasitakoa azaldu behar dutela, Zientziak arloan ikasitakoa testuinguru desberdinetan aplikatzen ikasi behar dutela: akademikoa, pertsonala eta soziala. Hau da, konpetentzia zientifikoa garatzeko, Zientziari buruzko gaiak irakurri eta hitzegiten jakin behar dutela.
    
       LEER.ES webguenan dagoen "JARABES" unitate didaktikoan oinaritzen da, Mª Jesún Martín-Diez egilearena.

      Sekuentzia didaktikoa bitan bananduta dago: ikaslearentzat materiala eta irakaslearentzat.
 
Hona hemen dituen ikasleentzako jardueren izenburuak:

1. JARABEAK ZER ETA ZERTARAKO?
2. ZER IKASIKO DUGU BOTIKA-JARABEEI BURUZ?
3. HARTALDI BAKOITZEAN ZENBAT?
4. BOTIKA BATEN PROSPEKTOA ULERTZEN 
5. BOTIKA-JARABE BAT LABORATEGIAN PRESTATZEN
6. ZER DIRA GENERIKOAK?  

Krisia landuz eskolan

Aurreko urriaren 30an izandako lan saioa Xabier Aierdi soziologoarekin aritu ginen. Gaur egungo krisi kontzeptoaren inguruan aritu zen ikuspegi soziologiko kontutan hartuz.

Azaroaren 6an, Kontsumobiderekin aritu ginen, familia kontsumoari buruz, etxeko aurrekontuak lantzeko baliabideak aztertzen, beste batzuren artean. Oso praktikoa suertatu ziren egindako proposamenak eta gaia enfokatzeko moduak.

 EUSTATek ere hainbat baliabide erabiltzen erakutsi zigun: hauen artean aipamen berezia merezi dute Grafiko interaktiboak

Bi egun hauetan zehar krisia (k-ek) osatzen duten eta osatu dezaketen testuingurura hurbiltzen saiatu gara. Eta ikusiako markoak eta baliabideak arlo guztiekin dute zerikusia: Matematika, Gizarte Zientziak...Oinarrizko konpetentziei erreparatzen badiegu nerriz, oinarrizko zortziak ditugu jokuan gai honi zentzua aurkitze bidean: ikasten ikasi, ekimena eta autonomia, digitala, hiritartasun eta gizartekoa, matematikoa, zientifikoa, arte eta kulturarena, komunikatiboa.

Gelan, krisiaren esanhaia eta maila guztietan izango dituen ondoriak aztertu eta lantze bidea bultzatuko dugu gure ikasleekin. Beraiekin saiatuko gara erantzun berriak aurkitzen, bai indibidualak bai kolektiboak. Eta tresna eta hausnarketa asko beharko dituzte eta ditugu erreliatearekin harreman konplexuak garatzeko, bai analisi mailan eta bai eskuhartze mailan. 

Alfabetatze ekonomikoa ere kontutan hartuko dugu gaur egungo gizarteko fenomenoak ulertze aldera. Testuinguru honetan, krisira hurbiltzeko grafika, datuak, marko kontzeptualak, iturriak...EUSTATten eskola web orrian aurkituko ditugu;  adibidez, "webquestat eta "Ariketak eta problemak" moduloak besteak beste.

Zientzia Guztiontzat

Passion for Knowledge - Quantum 13, alfonbra gorria zientziarentzat

• Donostia International Physics Center-ek (DIPC), Euskampus, Euskal Herriko Unibertsitateko (UPV/EHU) Nazioarteko Bikaintasun Campusaren esparruaren baitan, zientzia-jaialdien nazioarteko agendan sartu du Euskadi. Maila goreneko zientzialariek, tartean hainbat Nobel saridunek, hitzaldi irekiak eskainiko dituzte Victoria Eugenia Antzokian, ikasleekin elkartuko dira Donostian, Bilbon eta Gasteizen, eta ikertzaile gazteak trebatuko dituzte.  

         
          Ikasleekin topaketetan parte hartzeko epea: uztailaren 24era arte.  


        

IKASI KOOPERATUZ/ KOOPERATZEN IKASI HASTAPEN MINTEGIA

Aurtengo ikasturtean hastapen mintegia antolatu da, Ikaskuntza Kooperatiboa proiektuan hasi diren ikastetxe berrientzat. Bertan zazpi saio egin dira. Partaideen ilusioak, gogoak eta inplikazioak busti du egindako bidea. Parte hartu duten ikastetxeak Santo Tomas lizeoa, Ekintza ikastola, Igeldo herri eskola, Summa Aldapeta eta San Ignacio de Loyola ikastetxeak izan dira.

 Ikaskuntza kooperatiboaren marko teorikoa, talde kohesioa, talde lana baliabide bezala eta baita ere talde lana edukin gisa  ezagutzeko, aplikatzeko eta konpartitzeko gunea izan dugu.

VICeko unibertsitateko Pere Pujolas eta José Ramón Lago adituen hitzaldietan ere parte hartzeko aukera izan dugu.

Maiatzaren 10ean, Gipuzkoako Berriztapen jardunaldietan “IK/KI eskola inklusiborako bidea eraikiz” mahai inguruaren ondorioak entzun eta gero, indar berrituak sentitu gara hurrengo ikasturtean gure ikastetxeetan abian duguna elikatzen jarraitzeko.

Soinuaren bidaia

Haur Hezkuntzako Zientzia mintegiko 5.saio honetan Soinuaren sekuentzia didaktikoari bukaera eman genion. Bertan soinu guztiak ez direla berdinak eta soinuaren transmisioa aztergai izan genituen ondorengo edukiak eta jarduerak landuz:

•   Soinu desberdinak sortu eta bereiztu intentsitatea eta tonuaren arabera.

•   Solidoetan eta likidoetan soinuaren transmisioa nola den alderatu. 

Alexander Grahan Bell , telefonoaren asmatzailea, zientzilariaren ezagutza ahalbideratzeko proposamen didaktikoa ere egin genuen.