Hizkuntza Proiektua egiteko Mintegiaren 1. saioa

Azken aldi honetan hezkuntza eremuan diren zenbait erakundetik (E.J.) Hizkuntza Proiektu bat garatu behar dela esaten da. Egia da garai honetan hizkuntzek beste protagonismo bat dutela eta euren aprendizaia gero eta beharrezkoagoa suertatzen ari dela. Hizkuntzak ikasi eta menperatzean, komunikazioa, bizitzaren errepresentazioa eta ikasteko prozesuak dira nahitaezko alorrak hiztunek aurrera egin dezaten era arrakastatsu batean.

Beraz Donostiako Berritzegunean (G01) bestelako eskaera kontuan hartzeaz gain aurrekoa abiapuntu bihurtzen da. Asmo orokor horrekin antolatzen dugu “euskara ardatz eta ikasle eleaniztunak helburu dituen Hizkuntza Proiektuari buruzko” Mintegia. Bataz beste Hizkuntza Proiektuaren sentsibilizazio fasean (ikusi diapositiba) ondo adierazten dira gizartean gertatu zaizkigun aldaketak eta aldi berean Hizkuntza Proiektuaren beraren zentzua.

Lehenengo saioa burutua (urriak 11), beste sei gelditzen dira asmoak errealitate bihurtzen joateko.

Claret Ikastola Ikas Komunitatea

Ikastolak izan duen lehenengo aldaketa izen aldaketa izan da: Mariaren Bihotza ikastolatik CLARET IKASTOLA izatera.

Klaretarren Euskal Herriko lurraldeetako ikastetxeek, hezkuntza programa berdina duen talde bat osatu dute. Horrela Bizkaiko Askartza Claret, Donostiako Mariaren Bihotza Ikastola eta Iruñako Cardenal Larraonak izena aldatu dute eta hemendik aurrera, Claret Askartza, Claret Ikastola eta Claret Larraona deituko dira.

Ikastetxe desberdinen elkarketak, logotipo eta irudi berria ekarri dio ikastolari. Logotipoa xumea eta alaia aukeratu dute.

Claret Ikastolak badu beste erronka bat, ikastola IKAS KOMUNITATE bihurtzea. Helburu hori dela eta, ikastolako irakasle taldeak, senideak eta irakasleak ez direnak prestakuntzarekin hasi dute ikasturtea. Ikas komunitatea izateko eta erabakia hartzeko prestakuntza sakona jaso dute. Proiektu honetan ezinbestekoa baita denon partaidetza.
Prestakuntza jaso eta gero, irakasle taldeak aho batez Ikas Komunitatea izateari baietza eman zion.

Urriaren 4ean ikastolan Gurasoen batzarra ospatu zen. Bertan Mateo Larrauri (EHko Claretarren probintziala), Aitor Kamiruaga (Ikastolako Zuzendari Orokorra), Miren Etxabe (Zuzendari Pedagoikoa) eta Rocio Garcia Carrión (Deusto Unibertsitateko irakaslea) izan ziren.

Ikas komunitateak zer ziren azaldu zuten eta Ikastolak horretan bihurtzeko zein pausu eman behar dituen argi utzi zuten.

Zeuden kezkak argitu eta gero senideen bozketa egin zen. Jaso ziren botoak denak aldekoak izan ziren, bertakoen artean ez zen ezezko botorik jaso.

Aurtengo ikasturtea ilusio berriekin hasiak dira Claret ikastolako irakasle, senide eta komunitatea osatzen duten pertsona guztiak. Ikas Komunitatea izatea erabaki eta gero, denon artean nahi dugun eskola amestea izango da hurrengo lana.

Ni irakasle, ni guraso, ni jantokiko begirale, ni ikasle " Nolako ikastola nahi dudan amestu behar dut"."

Nahi dugun ikastola amestea izango da hurrengo pausoa.

ZORIONAK !

Hizkuntza Proiektua lantzeko Mintegiaren 4. saioa

Nahi izanez gero saio honen abiapuntua "eleaniztasun" kontzeptua sakontzea izan da. 

Izan ere Mintegiko aplikazio digitalean (Moodle) eskegita daukagun "Europako Erreferentzi Markoa", dokumentu honek dituen alderdi ugari nahiz anitzen artean, ongi adierazten digu termino horren esanahia. Honetan datza orain arte izan den eredutik atereaz hizkuntzak ikasteko zein irakasteko eredu berria. Hain zuzen ere gako honetatik hizkuntzen antolamendurako zein ikasleen ikaskuntza-irakaskuntza prozesuetarako aspektu berri batzuk (komunikazio ikuspegia, trataera bateratua,...) eratortzen dira.

Mintegiko saioan ere Hizkuntza Proiektua egiteko behin betiko Gida plazaratu genuen, baita honek dituen atalak komentatu nahiz xehetasun batzuk egin genituen ere.

Atal garrantzitsu bat ikastetxeen ekarpenena da; egun honetan zenbait ikastexek beraien Hizkuntza Proiektuen kronograma -eta aurkibideak- nahiz sarreretaz ekoiztutakoaz elkarrizketatu ahal izan genuen. Beste kasu batzuetan atal horiek baino gehiago aurkeztu zituzten.

Diagnostiko fasea (gehienbat hizkuntzen ikas-irakaskuntzari buruzko datuak) datorren aztergaia izango dugu hurrengo saiorako.

Hasierako "eleaniztasun" gaiari helduta, Gidan ere modu xume batean "eleaniztasunaz" hitz egiten da. Hona hemen hau tratatzeko Gidatik ateratako tresna bat.  

Euskararen Nazioarteko Eguna berritzegunean

“Gure hitzak, esan berriz esan, ez daitezela ahaztu, ez daitezela gal” Mikel Laboaren ahots hunkiberaz, eta Bernardo Atxagaren  “Hitzak ez du antzik jaboiarekin” testua irakurriz eman genion hasiera Berritzegunean Euskararen Nazioarteko Egunaren ospakizunari. 

“Euskara aurrera aterako al den galdetzen didazu. Erabiliz gero aterako da; bestela ez” dio Atxagak bere testuan, eta Berritzeguneko kideok hausnarketari heldu genion hurrena Mintzodromo txikian: Gure partetik kalitatea, eta erabilpena sustatzen saiatuko garela garbi geratzearekin batera, langintza horretan elkarri laguntzeko prestutasuna agertu zen osatu ziren hiru taldeetan.

Segidan,  Instituzioek apailatutako leloarekin oso bat gatozenez, “Eskerrik asko, euskararen taupada izateagatik”  zintzoki adierazi genien gure arteko Euskaldun Berriei, erdia baino gehiago direnei, beraien ahaleginari esker ere Donostiako Berritzegunea euskaldunagoa delako.

Eta azkenik, behin lehiaketatxoaren saria Carmen-ek eskuratuta, umorea eta lana elkarren eskutik doazela erakutsiz eta biziz, gustura asko kantatu genuen G. Arestiren “Guretzat” poema, Oskorrik musikatu eta Arantza San Sebastianek moldatutako bertsioan honela dioena “Har ditzagun eskuan… ildo ta programak… berrikuntzaz janzteko… BGko zelaia”. Ondoren, kantu saioak mokadutxoarekin jarritu zuen…

Hizkuntza Proiektua lantzeko Mintegiaren berri

Goikoan azaltzen den irudia Hizkuntza Proiektua lantzeko Mintegiko aplikazio digitalekoa da. Bertan saioz saioko edukiak azaleratzen ditugu.

Orain arte bi saio besterik ez ditugu egin –datorrena abenduaren hasieran-. Besteak beste saioen helburu garrantzitsu bat parte hartzen diren ikastetxeen artean era egoki batean bat etortzea litzateke; horrela aurrerantzean ibilbide komuna garatuko da. Oro har, bi saio hauetan adierazitako lanak nahiz azpitaldeen elkarerraginak honako hauek izan dira:

• Ezagutu hizkuntzei dagozkien deialdiak, iradokizunak, dokumentazioa.

• Begiztatu nahiz komentatu beste ikastetxeetan sortutako praktika onen  markoak.

• Ezagutu Hizkuntza Proiektuaz sortuak diren beste plataforma digital batzuk.

• Hurbildu Mintegiko parte hartzaileek beren ikastetxeetatik ekartzen dituzten ekarpenetara.

• Ezagutu galderak, hausnarketak, aukerak, alde batetik, hizkuntzei buruzko diagnosia egiteko, eta bestetik, hizkuntza proiektu bat idazten hasteko.

• Eduki edozein ikastetxetan hizkuntzen esparruaz sentsibilizatzeko hasierako iradokizun batzuk.

• Proposatu ikastetxean hizkuntzen ardura nahiz kudeaketa dauzkan lan talde (edo hizkuntza batzordea)-aren partaide ezberdin zein bakoitzaren betebeharrak.

• Jarraitu hizkuntza proiektu bat egiteko gida ofizialaren argitaratzearen prozesuari.

Beheko parte honetan ikus daitekeen bideoak "zer da hizkuntza ongi hitz egitea" delako galdera medio ongi adierazten dizkigu hizkuntzak (hizkuntzek) dituen erronkak eta aldi berean Hizkuntza Proiektu batek dituenak ere bai.

Finlandiako hezkuntza sistemari buruz

Bihar, ikasle finlandiar batzuk etorriko dira bere hezkuntz sistemari buruz hitzegitera.
Hori dela eta, EL PAIS egunkarian dagoen hezkuntzari buruzko blogean, artikulu interesgarri batzuk idatzi ditu Xabier Melgarejok. Oso oso interesgarri eta esanguratsuak.

http://blogs.elpais.com/ayuda-al-estudiante/  

El ecosistema educativo tiene un triángulo esencial: estudiantes, padres y profesores. Lo demás es contexto. Si este se sitúa en el centro de gravedad, algo va mal. Los análisis sobre educación tienen un peligro casi invisible: la paralización fascinada por lo mal que estamos. Descalificar sin analizar es injusto y analizar sin proponer alternativas, estéril. Así que el propósito de este blog es claro: ayudar a estudiantes, padres y profesores a encontrar alternativas de mejora.

Blogeko arduraduna: 

Carlos Arroyo ha navegado profesionalmente entre las cuatro paredes de un aula, la redacción de EL PAÍS y la dirección del Instituto Universitario de Posgrado. Esa travesía le ha convencido de que educar bien a los hijos es saldar buena parte de la deuda con la vida. Es autor de Libro de Estilo Universitario y diversos libros de ayuda al estudiante.

Web: www.ayudaalestudiante.com
Correo: arroyocarlos@ayudaalestudiante.com

Finlandia, un modelo educativo I:

Una educación tan orientada a la excelencia como a la equidad

http://blogs.elpais.com/ayuda-al-estudiante/2014/04/una-educacion-tan-orientada-a-la-excelencia-como-a-la-equidad.html

Finlandia, un modelo educativo II: 

La familia asume la principal responsabilidad educativa sobre los hijos e hijas

http://blogs.elpais.com/ayuda-al-estudiante/2014/05/my-entry.html

III. falta da argitaratzeko.

Blogean irakurtzen badituzue, ez ahaztu artikulu bakoitzari egindako komentarioak irakurtzen!!!!

Artikuluak ezagutu ditut, Carlos García Llorenteari ezker.

CIBERMANAGER proiektua Santo Tomas Lizeoan

      Ikasturte honetan Santo Tomás Lizeoan "Cibermanager" proiketua garatu dute.
      Atzo arratsaldean, proiektuaren azken jarduera egin zen, DBH 3. mailako ikasleek LH 5. eta 6.mailetako ikasleen gurasoei, zertan datzan, zer ikasi duten, zer irakatsi dieten, zer suposatu duen proiketuaren garapena Lizeoan, etab., era fresko, azkar eta zehatz batean adierazi zieten.
     Saioan gurasoen partaidetza haundia egon zen, 60-70 guraso joan ziren eta bukaeran galderak egiteko garaian,  aita eta ama askok galderak eta iritsiak bota zituzten, DBH.3. mailako ikasleak gaian adituak bihurtzen, eta esan behar da  ikasleak primeran erantzun zutela.
      Saioan agerian jarri zen gurasoen beharrak gai honekiko, hau da nola bultzatu seme-alabengan  eskuko telefono eta sare sozialeen erabilpena arduratsua eta egokia.

Saioan, kontzeptu desberdinak azaldu ziren: ciberbullyng, pribatasuna mantentzeko aholkuak, etabar.







Erabilpen zuzena egiteko ikasleek osatutako aholku-zerrenda  zabaldu zen, hona hemen:

• Gauza bat Internetera igotzerakoan, bertan gordeta gelditzen dela eta baita publikatu denaren kontrola galtzen dela ere kontuan hartzea. 
• Gurasoek beren seme-alabei gaurko aurkezpenean azaldutako arazoei buruz ahartaraztea. 
• Interneten agaetzen den edozer gauzari kasurik ez egitea birusak izan daitezkelako. Adibideak: opariak, mezu ezezagunak etabar. 
• Ordenagailua etxeko eremu publiko batean jartzea gomendatzen da, umeak zertan dabiltzan ikusteko. 
• Historiala begiratzea seme-alabak non ibili diren jakiteko, baldin eta arraroa den zerbaiten susmoa badago.
• Gurasoek seme-alabei errespetuz jokatzen irakastea.
• Hainbat sare edo orietan pasahitz ezberdinak edukitzea. 
• Joku bat Internetetik jaisterakoan beste gauza bat deskargatzea gerta liteke, beraz, kontuz ibili behar da erabilpenarekin. 
• Esan beharra dago sare sozialak elkar komunikatzeko oso egokiak direla  ez bada beraien erabilera desegokia egiten

Proiektu honen garapenean parte hartu duten guztiei, Lizeoko irakasleei, ikasleei, gurasoei eta Berritzeguneko elkarbizitzarako aholkulariari,  ZORIONAK, bai DBHko ikasleek, bai LHko ikasleek eta bai gurasoek gai honen inguruan ikasitakoa aspaldirako mantenduko dutelakoan baitgaude.

Ikastetxeetako esperientziak: MARIAREN BIHOTZA-PENTSATOKIA

Mariaren Bihotza ikastolak aurrera daraman  Pentsatokia Proiektuaren berri izan genuen  Gipuzkoako Berriztapen Proiektuen XI.jardunaldietan eta baita ere gure blogean ikasturte bukaeran. 
Aurreko bi  linketan  klikatuta proiektuaren xehetasunak aurkitu daitezke.

Oraingo honetan Berritzegunetik bultzatu nahi dugun "Ibilbide Pedagogikoak"ekimenaren barruan aukera  duzue esperientzia ikastetxean bertan ezagutzeko.

Pentsatokia, konpetentzien garapena matematikaren bidez proiektua talde elkar eragileetan, ikasketa dialogikoan, aniztasunaren trataeraren inklusiboan oinarritzen da.
Lehen hezkuntzako 3.zikloko ikasleekin Proiektua ezagutzeko aukera izango dugu. Horretarako bi egun egongo dira: bata otsailaren 25ean eta bestea otsailaren 28an.

Otsailaren 25eko saioan parte hartzeko
http://g01.berritzeguneak.net/eu/actividades_detalle.php?codigo=IBILALDIA%202
Otsailaren 28ko saioan parte hartzeko
http://g01.berritzeguneak.net/eu/actividades_detalle.php?codigo=IBILALDIA 3

 

ZUHAIZTI IKASTETXEAN IKASITAKOA

Joan den urtarrilaren 23an, Ibilbide Pedagogikoen markoan, aukera izan genuen Zuhaizti Ikastetxeko Weba eta Intraneta ezagutzeko. Hamar ikastetxeetaeko hamalau partaidek parte hartu zuten. Bertako zuzendaritza taldeak eta IKT arduradunak gure eskura jarri zuten urteetan eraikitako lana.

Gauza asko ikasi genituen, besteak beste:
- Weba eta Intraneta eskolak duen proiektua hezkuntza komunitatearen eskura jartzeko eta denen partaidetza sustatzeko tresnak dira.
- Honelako lana egiteko talde baten konpromezua beharrezkoa da, ez da pertsona edo pertsona batzuen borondate onez egin daitekeen zerbait.
- IKTak ez dira soilik kudeaketa administratiboa bideratzeko tresnak, badira ere eskolako curriculuma kudeatzeko eta pedagogia eremuko erabakiak hezkuntza komunitatearen eskura jartzeko baliabideak.

Informazio gehiago nahi izan ezkero bisita ezazu irekia duten esparrua edota esperientzia irakurri.