VII Jardunaldi pedagogikoa Kale Dor Kayiko: Eskola-absentismoa gainditzeko gakoak

Azaroaren 28an Kale dor Kayikók antolaturiko VII Jardunaldi Pedagogikoa ospatu genuen Donostiako Berritzegunean, aurtengo leloa Eskola- absentismoa gainditzeko gakoak delarik.

Marko legalaren aurkezpenarekin hasi ginen: Hezkuntzaren derrigortasuna, hezkuntza eskubide unibertsala bezala eta hortik Pedro Carnicero ikuskariak Eskola-Absentismoaren aurka aritzeko erakunde desberdinetatik garatzen diren prozesuetaz hitzegin zuen.

Donostiako Berritzegunearen izenean Lui García Gurrutxaga aritu zen gero.

Gure berritzeguneak aurkeztutako gaia Eskola Arrakasta guztiontzat izan zen, ekitatea bermatzeko eta inklusioarako dauden oztopoak gainditzeko gakoak edo giltzarriak.

Bilboko Pio Baroja ikastetxeak aurkeztu zigun esperientzia inspiratzailea izan zen, Ikasketa Buruak mezu oso positiboa luzatu zigun: ikasleengan itxaropen altuak izan behar ditugula, familiak gureganatu behar ditugula, ditugun baliabideak era eraginkorrean erabili behar ditugula eta batez ere jarrera derrotistek porrota sortarazten dituztela.

Kale dor Kayikoko hezitzailea den Ainara Pinak ere familiekin lana egiteko , berdinen arteko elkarekintzan abiapuntutzat harturik, ideiak ere eman zizkigun

Bukatzeko ikasleen eta familien bizipenak ere bideo baten bidez entzuteko aukera izan genuen.

Bukatzeko gure Donostiako Berritzegunearentzat hezkuntza eragile desberdinekin: elkarte, ikasle, familia, irakasle, beste erakundeekin elkarlanean jardutea helburu estreategikoa dela esan beharra dago.

Beraz denoi zorionak!!  

"Ezagutu Amara Berri eskola bertara joanez" Jardunaldiak

AMARA BERRI ikastetxeak,  HIK Hasik antolaturiko Jardunaldian parte hartuko du.
Jardunaldiak eskoletako Hezkuntza-proiektu erreferentzialak ezagutu arazteko helburuarekin antolatuta daude eta Amara Berri ezagutzeko aukera otsailaren 26an eta 27an egongo da, eskolan bertan ospatuko bait dira jardunaldiak.

PROGRAMAZIOA

OTSAILAREN 26an, ostirala, 18:00-20:30
Aurkezpen orokorra:
-35 urteko ibilbidea
-Hezkuntza Proiektua
-Ezaugarri metodologikoak
-Amara Berri Sarea

OTSAILAREN 27AN, LARUNBATA, 9:30-13:30
Gaikako Ibilbidea:
-Haur Hezkuntza
-Hizkuntzen Trataera (euskara, gaztelania eta inglesa)
-Matematika eta Zientzia (eskola aktibotik konpetentziara)
-Hedabideak eskolan: telebista, egunkaria, intternet...

MAHAI INGURUA
-Aurrera begira: zailtasunak, aukerak, erronkak

Euskal Eskola Publikoaren III Jardunaldiak 2015. Etorkizuna eraikiz Euskal Eskola publikoa, sistemaren ardatza

2015eko APIRILAREN 23an Barriola Zentroan- Euskal Eskola Publikoaren III jardunaldiak ospatuko dira Sarean, Bihe eta Ehigek antolatuak

III JARDUNALDIEN AURKEZPENA

Euskal Eskola Publikoaren Legea(1993) argitaratu zenetik, aurrerapen nabariak eman dira gaurko eskola publikoaren kalitatea bermatzeko. Besteren artean, eskola publikoaren lana ikasleriaren euskalduntze prozesuan eta aniztasunaren trataeran, denon aitorpena merezi duten lorpenak izan dira.

Azken urteotan, nahiz eta krisiak murrizketen egoera batera eraman gaituen, eskola publikoak jarraitu du bere berriztapen prozesu metodologikoa aniztasun kultural eta sozial berriari erantzun duin bat emateko, eta arrakasta hobeto bermatzen duten irakas-ikas prozesuak ezartzen joateko.

Orain arte egindakoa asko izan bada ere, etorkizun hurbilak aurrez aurre ezarri dizkigu erronka berriak: konpetentzien garapena, ikaskuntzaren digitalizazioa, eleaniztasuna, irakasle belaunaldi berri baten sartzea sisteman,…

Erronka berri guzti hauei erantzuteko eskola publikoak egin behar duen transizio prozesua argitzea ezinbestekoa da, arazoak eta urratsak aurre ikusteko eta ondo planifikatzeko. Zentzu honetan, aurtengo jardunaldiak aukera emango digute lehenengo gogoeta bat egiteko.

EGITARAUA

PISA 2015 Euskadin

            Joan zen martxoaren 18an, Bilbon PISA (Ikasleen Nazioarteko Ebaluaziorako Programa) jardunaldia ospatu zen. Bertan PISA 2015 garapenari buruzko adierazpenak eta ezaugarriak ezagutu arazi ziren.
           PISA 2015ean konpetentzia zientifikoa izango den ebaluatuko den  konpetentzia nagusia. Hori dela eta,  Jose Ignazio Pérez irakasleak konpetentzia horri buruz hitz egin zuen, hiritarren konpetentzia zientifikoaren garapena  eta gizarte baten garapen demokratikoaren arteko lotura azpimarratuz.  Gero, Alfonso Echazarra HELGA (OCDE)ko analistak azken PISA2012ko emaitzak eta etorkizunari begira programak hartuko dituen dimentsioak kontatu zituen. Azken ponentzia,  Xabier Mugikaren eskutik etorri zen, bera ISEI-IVEIko zuzendaria da eta PISA 2015ko programaren ezaugarriak Euskal Erkidegoan deskribatu zituen.
       Sarrera honen xede nagusia ezaugarri horiek ezagutaraztea da.

       PISA proiektua ikasleek hezkuntza-sistema guztietan oinarrizkotzat hartzen diren konpetentzietan duten errendimendua nazioarte mailan konparatzeko neurri komun bat finkatu beharrari erantzuteko asmoz sortu zen. Horretarako lankidetza- marko bat eratu zen helduaroko bizimodura igarotzeko behar diren ezagupenei eta trebetasunei dagozkien hezkuntza-helburuak finkatzeko eta betetzeko.  2000. urtez geroztik hiru urtez behin egin da eta 15 urteko ikasleek egiten dute ebaluazioa, 2003.tik Euskadin lagin propio daukagu, gure hezkuntza-sistemaren datuak sakonki analizatzeko.

        Ondoko argazkian ikus daiteke 2000. urtetik ebaluatu diren konpetentziak programa desberdinetan :

PISA 2015ean konpetentzia berri bat ebaluatuko da:
FINANTZETARAKO KONPETENTZIA.
Ikasleriaren %10k egingo du.


 

       Eta beste kontu garrantzitsua, PROBLEMEN EBAZPENAREN KONPETENTZIA ebaluatuko da lankidetzan, hau da talde txikietan lan egiteko gaitasuna ebaluatuko da.
        Proba guztiak ordenagailuz egingo dira, aurreko ebaluazio diagnostikoetan esperientzia baliatuz ordenagailuaren eragina txikiagotuko dela emaitzetan espero da. Aplikatzeko kontratatutako enpresak behar diren baliabide informatikoak eramango ditu eta probak USB batean joango dira, beraz ez da beharrezkoa izango wifirik, ezta ere Interneteko konexiorik.
       Euskadin 120 ikastetxek, sare desberdinetatik,  parte hartuko dute, horietatik 14 dira lagin estatalean parte hartuko dutenak eta horietan bakarrik, familientzat eta irakasleentzat bete behar diren galdetegiak beteko dira. Guztira Euskadiko 5000 ikasle parte hartuko dute, gehien bat ikastetxe bakoitzean  15 urteko 42 ikaslek parte hartuko dute eta horietatik gehien bat finantzetarako konpetentzia 12 ikaslek egingo dute.

        PISA 2015 egutegia Euskadin:

• Apirilaren 13tik 30etara ikastetxeekin lehendabiziko kontaktua suertatuko da. 
• Maiatzaren 4tik 22ra aplikazioa. 

     Oso garrantzitsua aurreko PISA 2012an liberatutako frogak ezagutzea.
     Eta ISEI-IVEI webgunean laster batean bideo batzuk jarriko dira , ordenagailuz egingo diren proben simulazioak ezagutzeko eta ikasleei erakusteko.

Eskola Hiztun Bila XVIII. jardunaldia 2015eko martxoaren 2an eta 3an

Aurtengo ikasturtean ere  burutzear dago Ikastetxeetako Hizkuntza Normalkuntzako Ulibarri programaren XVIII. jardunaldia. Marxtxoaren 2an  Gasteizko Musika Kontserbatorioan elkartuko gara  guztiok eta  3an Lasarteko Berritzegunean izango dugu  hitzordua.

Ulibarri Programaren markoan hizkuntza normalkuntza gaiak lantzen dituen jardunaldia izango dugu.  Bertan, EAEko 400 ikastetxe baino gehiagotatik heldutako hizkuntza normalkuntza teknikariek parte hartuko dute. 

Donostialdean,  23 ikastxe Ulibarri Programan aktibo  ditugu eta bertako arduradunak  jardunaldietara joko du.

Jardunaldiak bi ardatz nagusi izanen ditu. Batetik, Hezkuntza eta Hizkuntza Proiektuak berritzeko garaian Hizkuntzek izan beharreko trataeraren inguruan arituko gara eta bestetik, zenbait eragin esparruan oinarriturik esperientzi ezberdinen azterketa eta destilazioari ekingo diogu.

Egitarauan ikus daiteken moduan, aditu eta esperientzi ezberdinen trukaketa egiteko aukera paregabea izango dugu bi egunetan zehar.

CIENCIA EN ACCIÓN 2013 EN BILBAO: Gipuzkoako bi ikastetxek sari garrantzitsuak lortu dituzte

Colegio Aleman. Deutsche Schule. San Alberto Magno Donostiako ikastetxeko zientzia arloko irakasleek, Antón Anta irakaslearen lidergoaz, bi sari lortu dituzte eta Mikel Etxaniz Fisika eta Kimikako irakasleak Pasaia-Lezo Lizeokoa beste sari bat.  Jasotako sariak epaileen aktan aipatzen den moduan ondoko hauek dira:







Por presentar un trabajo realizado por estudiantes que, de manera original, didáctica y atractiva explican el sistema periódico, uno de los conceptos fundamentales en química. Y explicar aspectos relacionados con la seguridad y medio ambiente. se concede 1^er Premio Ex Aequo de Demostraciones de Química al trabajo “JUGANDO CON LA TABLA PERIÓDICA” cuyos autores son Antxon Anta, Anne Idigoras, Paula Martínez, María Turrión, Paulo Rosas, Sandra Rodriguez del Colegio Aleman. Deutsche Schule. San Alberto Magno (San Sebastián, Gipuzkoa).

Por presentar un conjunto de experimentos relacionados que permiten un recorrido instructivo y muy completo por los fenómenos de inducción magnética, se concede Mención de Honor al trabajo “Enredando con la electricidad y el magnetismo” de Antxon  Anta, del Colegio Alemán “San Alberto Magno” de San Sebastián.



  Por presentar una secuencia didáctica apropiada al nivel de la enseñanza secundaria para estudiar fenómenos relacionados con la hidrostática, se concede Mención de Honor al trabajo “APLICACIÓN DE LOS PRINCIPIOS DE LA HIDROSTÁTICA” de Mikel Etxaniz de Pasaia-Lezo Lizeoa (Gipuzkoa).
Mikel Etxanizen proposamena ezagutzeko laister Pasaia-Lezo Lizeoko webgunean

BEGOÑA MARTÍNEZEN EKARPENA GIPUZKOAKO XII.JARDUNALDIETAN

 

Maiatzaren 9 eta 10ean aukera izan genuen Gipuzkoako Jardunaldietan parte hartzeko. Hobekuntza bila  urtean zehar Gipuzkoako ikastetxe eta Berritzeguneen artean egindako  lanaren isla eta bultzatu edota jorratu nahi ditugun gaien inguruan hausnartzeko gune aproposa dugu hau.

Aurtengo gaia  “Eskola inklusiboak eraikitzen proiektuen bidez” izan da eta hasierako ponentzia Begoña Martínezek egin zuen.

Jarraian dituzue berak erabilitako PPTa, teknikariek egin zuten grabazioa eta Diario Vasco egunkarian egun horietan gaiari buruz publikatuta atera zena.

Jardunaldietako grabazioa. guztiak ikusi ahal izateko jo ezazue jardunaldiei buruz blog honetan egindako aurreko sarrera.

 

Gipuzkoako XII. Hezkuntza Berriztapen jardunaldien bideoak.