Binaka arrazoitzen: matematika baino gehiago

Datorren ikasturteko prestakuntza diseinatzen ari gara eta orain arte izan ditugun prozesuak aztertu ditugu, ea proposamen berriak egin behar diren edo lehengo prozesuetan zer aldatu behar dugun erabakitzeko. Hori horrela, 2016-17 ikasturtean hasitako Binaka arrazoitzen mintegiaren balorazio oso ona egin dugu eta interesgarria iruditu zaigu informazioa zabaltzea.

Tutorea eta tutoratua problemak ebazten elkarrekin - irudiaren jabea: ARA CRIATURES

Bartzelonako UAB-ko GRAI (Grup de Reserca sobre Aprenentatge entre Iguals) taldearen eskutik jaso genuen iaz "Binaka arrazoitzen" programaren berri. Marta Flores Coll irakaslea gonbidatu genuen eta zuzenean aurkeztu zigun. Ondoren, ikastetxe batzuk berdinen arteko tutoretzan eta matematika arloan sakontzera animatu ziren eta aurrera jo genuen.

2016-17 ikasturtean programa garatzen eta aplikatzen jardun dugu Lehen Hezkuntzako eta Bigarren Hezkuntzako hainbat irakasleekin batera eta bukaeran egindako balorazioetako batzuk ekarri ditugu hona:

Programa oso egituratuta dago. Dena bideratuta dago, horrek errazten du lana eta programaren martxa. Problemak ebazteko beste modu erakargarri bat ikastetxean ezartzeko, ikasleek gustura hartzen dutena. Oso interesgarria ikaskuntza kooperatiboan aurreratzeko. Gogoeta sakona problemen ebazpenaren inguruan; planifikazioa gai bereizgarri gisara. Problemen ebazpenean berrikuntza; interakzio egituratu eta planifikazioa indartzen du. Matematika lantzeko era berri bat.

Horrekin batera, mintegia eraman dugun aholkulariok arazo-egoeren bidez irakasteko bidea ere badela ikusi dugu, gaitasun anitzak abiarazten dituelako, planteatzen dituen jarduerak erronka txiki batzuk direlako eta, gehienetan, ebazpena irekia dutelako. Era berean esan dezakegu, Matematikarako konpetentziaz gain, Konpetentzia sozial eta zibikoa garatzen duela eta, zehar-konpetentziak diren Ikasteko eta pentsatzeko konpetentzia, Ekimenerako konpetentzia eta Elkarbizitzarako konpetentzia ere. Eta ez alboko ondorio gisara, intentzionalitate betearekin baizik. Horretarako izan baita diseinatuta.

Laburbilduz, programa aberatsa da eta oso ondo garatu ditu bi osagai nagusiak:
1. berdinen arteko tutoretza egituratua
2. eta problemen ebazpena arrazoitua lantzeko aproposak diren materialak.

Berdinen arteko tutoretzaz luze aritzea ez da behar, urte asko daramatzagu-eta gure ikastetxeetan praktikan jartzen, baina interesgarriak dira oraingo bertsio honek ekartzen dizkigun berrikuntzak. Bigarren osagaiari dagokionean, berriz, lan handia egin dugu aurten: katalanez eta gaztelaniaz zeuden materialak euskarara itzuli, gure egoeretara egokitu eta jarduera berriak sortu. Eta lan horri esker, datorren ikasturteko mintegian parte hartuko duten ikastetxeek behar duten guztia hasieratik eskura izatea bermatu ahal izango dugu.

Informazio gehiago nahi duenarentzat, hara hemen:

1. Cuadernos de pedagogia aldizkariak argitaratu artikulua:
   Razonar en pareja (Cuadernos de pedagogia)
2. Razonar en pareja liburuaren laburpena:
   Razonar en pareja: resumen del libro
3. Ikasleak binaka aritzeko interakzio pauta:
   Interakzio pauta
4. Ebaluaziorako material batzuk:
   Bikotearen autoebaluazioa
   Irakaslearen behaketa erregistroa
   Errubrika berritua
5. Ikasleek erabiltzeko jarduera orri bat adibide:
   LH_3Z_Jarduera4_Irteera egunean euria egiten badu

Beraz, Binaka arrazoitzen ezagutu eta praktikan jarri nahi baduzue, atsegin handiz hartuko zaituztegu 2017-18 ikasturtean egingo dugun mintegian.

Zuk eta biok batera hobeto pentsatzen dugu

Bihar, urtarrilak 17, Bartzelonako UAB-ko GRAI (Grup de Reserca sobre Aprenentatge entre Iguals) taldeko Marta Flores Coll irakaslea izango dugu berriz Donostiako Berritzegunean "Binaka Arrazoitzen" mintegiko saio berezian.

Binaka arrazoitzen programa matematikako konpetentzia garatzeko sortua da eta berdinen arteko tutoretzan oinarritzen da, hau da, ikasleen bikoteek jarduera egituratuaren bidez ikasten dute. Batek, tutoreak, irakasteak ikasteko modu eraginkorra delako ikasten du eta besteak, tutoratuak, ikasten du ere, lagun tutorearen laguntza doitua jasotzen duelako eten gabe. Programak ikasleen arteko tutoretza eta familiena konbinatzen ditu.

Tutorea eta tutoratua problemak ebazten elkarrekin - jabea: GRAI

Iaz, ikasturte bukaeran berritzegunera gonbidatu genuen Marta Flores Coll, matematikako konpetentzia garatzeko (En)Raonem en parella programa aurkeztera eta Donostiako irakasle batzuk prest azaldu ziren proposamena aurrera eramateko euren ikastetxeetan. Horretarako mintegi bat antolatu genuen eta biharkoa, Flores irakasleak emango duena, mintegiko 5. saioa izango da. Aurreko lau saioetan, programa ezagutzen eta materialak ebaluatzen eta egokitzen aritu gara. Lan handia egin dugu bitarte horretan (euskarara itzultze lanak, tartean) ikasleek urtarriletik aurrera erabiliko dituzten materialak prest izateko. Lan horretan, lagun izan ditugu Irungo Berritzeguneko aholkulariak baita beren zonaldeko irakasleak ere.

Biharko, lan saio aberats bat proposatu digu Marta Floresek: ikasleen formakuntza, familien inplikazioa, bikoteak sortzeko prozesua, errubrikak eta autoebaluazioa era sortzaileaz erabiltzea, jarduerak sortzeko prozesua sustatzea... Den-dena, problemen ebazpenaren gaitasun matematikoa lortzen joateko.

Ikasten dugunaren berri ematen jarraituko dugu. Bitartean, informazio gehiago izan dezakezue "Cuadernos de pedagogia" aldizkariak argitaratu artikulu honetan:
Razonar en pareja (Cuadernos de pedagogia)

Euskararen Nazioarteko Eguna berritzegunean

“Zer egin dezaket nik euskararen alde?”  zioen aurtengo leloak, instituzio eta eragileek elkarlanean prestatutako  agiriaren goiburuak eta Donostiako Berritzeguneak bat egin du bertan agertzen den asmoarekin, gure aletxoa jarri nahian, sinetsirik askoren aletxoak batuta pila handia egiten dutela. Asmo horrekin ospatu dugu Euskararen Nazioarteko Eguna aurten ere.

Ekitaldiari hasiera eman diogu giro onean, kantuan, tartean joan berri zaigun Imanol Urbieta musikari eta pedagogo handiaren “Behin betiko” abestuz. Eta gure ereserkiak dioen moduan, “Har ditzagun eskuan… ildo ta programak… berrikuntzaz janzteko… BGko zelaia”ri helduz, gure baitako asmoak idatzi ditugu haizeak eragingo dien haize kolorez beteriko errotatxoetan, aire-aire euskarari! 

 

Elkarri laguntzeko joera dugunez, jarraian euskal kulturarekiko gure jakintza astindu dugu “Elkarri lagunduz” jokoaren bidez, era guztietako galderentzako erantzunak, baliabide digitalak erabiliz,  taldean bilatu nahian. Zerbait gehiago ikasi dugu gure idazle, margolari, plaza, eskultura, eraikuntza, bertso, esamolde, hizkuntza baliabideez…  Eta ohartu zenbat gehiago daukagun ikasteko gure kultura ez ezik, gure hizkuntzan ere hobeto bizitzeko urtean 365 egunetan.

Komunikazio eta hizkuntzak bultzatzeko jarduerak

KOMUNIKAZIO ETA HIZKUNTZAK BULTZATZEKO JARDUERAK - Aitor Zenarruzabeitia-

Urriaren 15ean , "Komunikazio eta hizkuntzak bultzatzeko jarduerak" ikastaroaren  bigarren saioa izan genuen.

Partaideek ikasle guztiekin gelan  egindako praktikaren azalpenaz,  hainbat zalantza eta idei komentatuz, saioari  hasiera eman genion.

Gero, irudimen narratiboa, elokuzioa eta inter-elokuzioa, artxi ahozkapena, harnasketa, gorputz- adierazpena, entzumena.... lantzeko, hainbat eta hainbat jarduerak egin genituen, beti,  ikasle guztiei zuzenduak, ikasleen arteko ikaskuntza bultzatuz eta irudimen sinbolikoa erabiliz.

Azkenik,  egindako jardueren proposamenen zergatia  eta zertara  ausnartu genuen.

Geletan,  jarduerekiko ikasleak izan duten  erantzuna eta motibazioa ikusita, hasitako bidetik jarraitzea animatzen gaitu.

Hurrengo saia, urriaren 29an izango dugu.

Berdinen arteko tutoretza hizkuntzan eta, orain, matematikan

Urte batzuk daramatzagu Donostiako zonaldean Bikoteka Irakurtzen eta Idazten, berdinen arteko tutoretzan oinarritzen den programarekin eta urrats handiak eman dituzte hainbat eta hainbat ikastetxeetan.

Bikoteka irakurtzen cc-by-sa Berta Martinez

Programa martxan dutenentzat lagungarria da Berritzegunean sortutako Bikoteka Irakurtzen Donostia sitea, bertan eskuratu daitezkeelako programa aurrera eramateko behar diren materialak eta mintegian sortzen ditugun baliabideak partekatzeko aukera ematen digulako.

20tik gora ikastetxe izan dira 2011tik hona noiz edo noiz Bikoteka irakurtzen (eta idazten) mintegiko partaide, baina, badakigu beste hainbatek sarean jarritako materialei esker beren kabuz lantzen dutela.

Une honetan, berrikuntza batekin gatoz. Bikoteka Irakurtzen-en sortzaileek, berdinen arteko tutoretzan funtsa hartuta, matematika konpetentzia garatzeko beste programa bat diseinatu dute: Raonem en parella (Razonar en pareja). Eta, urtebeteko pilotajearen ondorioak eskura izanik, ikasleen problemen ebazpenerako eta arrazoinamendurako gaitasuna eta, are gehiago, matematikarako autokontzeptua asko hobetzen dela jakin dugu.

Gure berritzegunean, Donostiako ikastetxeetan Bikoteka Irakurtzen duen arrakasta ikusita, Matematikako konpetentzia garatzeko beste bide hau bultzatzea oso interesgarria iruditzen zaigu. Horregatik, programa ezagutzeko, Bartzelonako UAB-ko GRAI (Grup de Reserca sobre Aprenentatge entre Iguals) taldeko Marta Flores Coll irakaslea gonbidatu dugu.

Ikastaroa datorren asteartean, maiatzak 24, 9:30etik 12:30era izango da. Gaztelaniaz izango da. Informazio zehatza jakin nahi baduzue, hemen aurkituko:
http://g01.berritzeguneak.net/eu/actividades_detalle.php?codigo=1570G01C42

Eta izen ematea ondoko estekan egin dezakezue:
http://g01.berritzeguneak.net/eu/inscripcion.php?codigo=1570G01C42 

XXI. Gizaldiko irakaskuntza. Ikaskuntza kooperatiboa. IK/KI programa Gipuzkoan.

            Donostiako Berritzeguneko webgunean, eskura duzue argitalpen berri bat. 

             Argitalpen honetan, “Cooperar para Aprender / Aprender a Cooperar (CA/AC) “Ikasteko Kooperatu / Kooperatzen Ikasi” (IK/KI) programak Gipuzkoan azkeneko 6 urteotan ibilitako bidea aurkeztu nahi dugu. Bertan erakusten dira programaren funts teorikoa, dakarren berrikuntza pedagogikoa, bultzatzen duen eskumenen garapena, jarraitu duen prozesua eta emandako aholkularitza. Gainera, azpimarratuta gelditzen dira praktika egokien adierazleak,aztertutako erronkak eta aurreikusitako ondorioak. IK/KI programa bultzatu dutenak elkarlanean aritu dira programa euren zonetan sustatzen, koordinatzen dutenekin eta euren ikasgeletan ezartzen dutenekin. Elkarlan horren emaitzak dira azaltzen diren hausnarketak, sustatzen diren jarduketak eta erabiltzen diren tresnak.
                                                                                  Hitzaurrea. Jose Antonio Pinedo.

Dokumentuaren atalak eta edukiak hauek dira: 

• Pere Pujolàs maisuari esker onak. Guipuzkoako Berritzeguneetako aholkulariak.

• Aurkezpena: IK/KI Programaren aurkezpen laburra. Jose Maria Arakama eta Maria Victoria Fernández.
• Sarrera. Jose Maria Arakama.

 1. Zergatik Ikaskuntza kooperatiboa? Zergatik IK/KI? Jesús Maria de la Mota.

2. IK/KI programaren hamaika ezaugarri praktiko. Jose Maria Arakama.

3. IK/KI-ren oinarri teorikoa. Jose Maria Arakama

4. IK/KI-ren ibilbidea Gipuzkoan. Pedro Roa.

5. IK/KI-ren berriztatze pedagogikoa eta hezkuntza kalitatea. Maria Victoria Fernández

6. IK/KI eta 14 praktika onen adierazleak. Maider Beitia eta Jose Maria Arakama. 

7. IK/KI-k oinarrizko konpetentziak lantzen ditu modu naturalean. Javier Lacunza.

8. Ikastetxean eman beharreko urratsak eta prozesua. Jose Luis Alberdi.

9. IK/KI-ren aholkularitza. Maria Luisa García, Teresa Santos, Maria Sol Uria

10. Ondorioak eta erronkak. Jose Maria Arakama. 

11. Eranskinak. 

12. Bibliografia.

Ikaskuntza Kooperatiboa. Ibilbide pedagogkikoa Sto Tomas Lizeoan

Ikasturte honetako apirilaren 20an, Ikaskuntza kooperatiboaren inguruko ibilbide pedagogikoa antolatu genuen gure eskualdean.

Ibilbide pedagogikoa, irakasleen lanbide garapena laguntzen duen jarduera da eta eskualdean garatzen ari diren proiektuen ezagutza sakona izaten laguntzen du. Badira urte batzuk formula hau Donostiako Berritzeguneko eskualdean erabiltzen hasi ginela eta hainbat ikastetxek antolatu dituzte honez gero beraien proiektuen azalpenak. Ibilbidean, eskualdeko ikastetxeetako 20-25 irakasle, koordinatzaile. zuzendaritza taldekidek hartzen dute parte eta proiektua garatzen ari den ikastetxean bertan garatzen da jarduera: proiektuaren nondik norakoa, testuinguruaren ezaugarriak, emandako pausoak, egindako aurrerapena eta izandako zailtasunen gainditzea azaltzen dira. Ondoren, ikasgeletan ikusten da proiektuaren zati baten gauzatzea eta azkenik, ikusitakoaren inguruko tertulia egiten da.




Ikaskuntza kooperatiboari buruzko Ibilbide Pedagogikoa Santo Tomas Lizeoan egin genuen. Bertan, Zuzendaritzako Iñaki, Olatz eta Amaiak proiektuaren markoa eta nondik norakoak azaldu zizkiguten. da eta honako alderdi hauek dira azpimarragarriak:

• Lehen Hezkuntza osoan garatzen ari diren proiektua da eta Ikasleen inklusioa du oinarri
• Irakasleek osatzen duten Talde eragileak dinamizatzen du proiektuaren diseinua, garapena eta jarraipena.
• Talde eragileko lau partaidek Donostiako Berritzeguneko Ikaskuntza Kooperatiboa mintegian hartzen dute parte.

Gela guztietan garatzen den kooperazio ikuspegi

Egitura kooperatiboak: arkatzak erdira, lau jakintsuak, bait-bi-lau, 

honen honako fase hauek landu dira:

1- Kohesio dinamikak: gelako partaideen ezagutza, aniztasunaren onarpena, errespetua, konfiantza...lantzeko. Tutoretza Planean sartzen dira.

2.- Egitura kooperatiboak: gelako lanak egiterakoan erabiltzen direnak eta guztien presentzia, partaidetza, ahotsa, iritzia, lekua, protagonismoa eta lorpena garatzeko: "arkatzak erdira", "orri birakaria", "Bat-bi lau"...

3.- "Talde Plana" osatzen du talde bakoitzak, non helburuak (Denok ikasiko dugu eta elkarlagunduz ikasiko dugu), partaide bakoitzaren ardura kolektiboa (koordinatzaileak, material arduraduna, laguntzailea, bozeramalea) eta norberaren ardurak... formulatzen diren. Talde plana aldika ebaluatu egiten da, ebaluazioaren helburua gehiagoa ikastea izanik. (Rubrika, Taldearen karpeta...)

Geletan ikusitako gaien praktika, hau izan zen: - LH1: "Letra zopa". Egitura: "txanda birakaria". Garbiñe Ezkurdia irakaslea.

- LH2: "Ordua lantzen". Egitura: Arkatzak erdira eta "guztiak bat". Ainhoa Agirre.

- LH3: " Airea eta bizidunak". Egitura: "Irakurketa partekatua", "Iritziak erdira", "3 minutuko geldiunea" eta "1-2-4") Lurdes Urruzola.

- LH4: "Elkartasun jokoak". Kohesio dinamikak. Maite Errasti.

- LH6: "Programa de radio". Egiturak: "Lectura individual con lápices al centro" Amaia Alberdi.

- LH6: "Talde Plan berria egiten". Egitura: Helburuak, rolak eta konpromisoak, "1-2-4" eta ·Erabakiak hartzen". Kristina Peña

Ibilbide pedagogikoaren azken jarduera bezala, irakasleen arteko tertulia egin genuen:

- Zer ikusi dugu geletan?
- Zer pentsatu dugu?
- Zein galdera egin dizkiogu gure buruari?

Irakasleen egindako lana baloratzeko "mantel birakaria" egitura erabiliz, partekatu genituen Ikaskuntza kooperatiboaren markoa eta praktikaren inguruko alderdi interesgarriak eta planteatzen dizkigun erronka.

Ibilbide pedagogikoa, Irakasleek ikasteko modu baliagarria dela ikusi genuen partaide guztiak. Mila esker Sto Tomaseko irakasle eta zuzendaritzari!!!

Ikaskuntza kooperatiboa Bigarren Hezkuntzan: "La profesora de Historia" filma

Donostiako Giza Eskubideen XIII. Zinemaldia, 2015ko apirilaren 17-24 tartean ospatuko da.

Atal desberdinetan antolatu dira filma eta ekitadiak. Tartean, "Hezkuntza eta Ikaskuntza Kooperatiboa". Eta atal honetan "La profesora de Historia" filma kokatzen da. Apirilaren 18an, larunbata, Victoria Eugenia Antzokian 22.30etan izango da.

Ikasleak motibatzea, erronka haundi bat da:

"Hezkuntza-sistema metodo berriak erabiltzen ari gara informazioaren eta ezagutzaren gizartearen eskaerei erantzuteko. Langabezia, lana aurkitzeko itxaropen eza eta eskola uztea egneroko kontua diren ingurune batean ikaslea motibatzea da eta hezkuntza sistemaren erronketato bat"

Ikastetxe asko saiatzen ari dira gazteen eta haurren gaitasunak elkarlaneko proiektuen bitartez suspertzen. Taldearen kohesioaren, enpatiaren, esperimentazioaren eta banakako eta taldekako praktikaren bidez, ikuspegi anitzetatik gaiak aztertzen laguntzen duten esfortzuek, gaitasunek eta trebetasunek bat egiten dute hezkuntza modu honetan. Aldi berea, kultur anistasunaren eta izaera kritikoaren onurak azpimarratzen saiatzen dira.

Egin dezakegun proiektu batetan pentsatu dut... dio Anne Gueguen irakasleak, Bere ikasleen arazoetaz arduratzen den Institutoko historia irakaslea da. Aurten, urtero bezala, Annek gela zaila dauka. Haien materialismoak eta gogo-ezak zapuztuta, ikastxeen arteko nazio-mailako lehiaketa batean parte hartzeko erronka botatzen die. Bertan, nazien kontzentrazio-esparru batean haur edo nerabe izateak esan nahi zuenari buruzko lan bat egin behar dute. Annek bere energia eta sormen guztia erabiliko duikasleen arreta erakartzeko eta haiek motibatzeko. Muga-eguna iristen ari den neurrian, gazteak besteengana irekitzen eta euren buruan sinesten hasten dira. Proiektu honekikasle horien bizitzak aldatuko ditu.

Bikoteka irakurtzen: dena prest

Urte batzuk daramatza Bikoteka irakurtzen  programak gure artean eta gero eta ikastetxe gehiagotara zabaltzen ari da. Une honetan bederatzi ikastetxeetako ordezkariak ditugu mintegian, baina 2011tik hona, hogeita bat ikastetxeetako irakasleekin aritu gara lanean.

Bikoteka lanean

  

Bikoteka irakurtzen parekoen arteko tutoretza (peer tutoring) lankidetzako ikaskuntza metodoan oinarritzen den programa da. Ikasle bikoteak osatzen dira, rolak (tutorea eta tutoratua) banatzen dira eta irakurketa saioak egiten dira helburu komun bat ardatz hartuta: irakurmena hobetzea.

Interakzio gidoi bat abiaburu hartuta, bikoteko bi kideek ikasi egiten dute: tutoratuak, kide duen tutore horrengandik laguntza egokitua eta etengabea jasotzen duelako; eta tutoreak, irakastea ikasbiderik hoberenetarikoa delako.

2014-15eko mintegiko partaideak orain hasi dira irakurketa saioak egiten ikasgeletan. Hori baino lehenago, lehenengo hiruhilekoan, programa ezagutzen, ikasleak prestatzen eta hasierako ebaluazioak egiten aritu dira eta, dagoeneko, ikasle bikoteak eginak dituzte. Beraz, dena prest binaka irakurtzen hasteko.

Bikoteka irakurtzen-en, edo eta Donostiako berritzegunean egiten ari garen lanaren inguruan gehiago jakin nahi baduzu, hemen dituzu materialak.

KONTSULTORE mintegian ANIZTASUNAri erantzuteko esperientziak

2013-2014 ikasturtean ere KONTSULTORE  mintegia aurrera eraman dugu BG01ean.

Bertan,  besteak beste, ANIZTASUNAri erantzuteko estrategia metodologikoen praktiken adibideak jaso ditugu.

Horietako zenbait esperientzia jaso ditugu eta zuen eskura jartzea izan dugu helburu.
 Ikusi, ikasi eta gaiari heldu nahi izatera bertan dituzue argibideak.

§         AMASSORRAIN. Zentzumenak lantzen

http://prezi.com/pxchlxi8jhc-/hezagutuz-mundura-zabaldu/Zentzumenak lantzen esperientzia

Programa honen helburua da, ikasleek beren burua hobeto ezagutu dezatela  zentzumenen bidez eta euren barne oreka lortzearen bidez. Horretarako ariketa erlaxagarriak ezagutu eta lantzea. Hau eginez besteekiko dituzten harremanak hobetuko dituztelakoan.

Ikasturte hasieran, tutoreak behatutako ikasleen arteko harreman desorekatuak medio. Bai elkar hitz egiteko moduak, elkar fisikoki erlazionatzeko bai eta norbere egoera emozional zailak ikusita laguntza taldera bideratu zigun bere kezka.

Ardatza erlaxazio ariketetan dago oinarrituta zeintzuk kurtso osoan zehar goizeko lehen ordua aprobetxatuz eramaten diren aurrera norbere barne oreka hobetze aldera.

Ardatz honi jarraikiz kurtsoan zehar, tutoretza saioak erabiliz hamabost egunero 1 gutxi gora behera, gure 5 zentzumenak lantzeko saioak bideratzen dira. Saio hauek oso zehaztuta eta bideratuta daude Prezi aurkezpenaren bidez.

Funtsean, programa honen helburua da gure harremanak hobetzeko behar beharrezkoak diren gure zentzumenak  ezagutzea. Ikusmena, entzumena, ukimena, usaimena eta dastamena bai eta gure barne oreka lortzea.

Saioen ebaluaketa burutu ostean oso esperientzia baliogarritzat jo dute. Eragile guztiek ikusi dizkiote onurak: ikasleek, tutoreak eta aholkulariak. Gelako giroa lasaitu da eta lan giro hobea somatu dute.

§         ARANTZAZUKO AMA IKASTOLA. Ikaslaguna 

      http://kafetartea.com/2014/04/01/ikaslaguna/Ikaslaguna esperientzia

Kurtso hasieran bikoteak egiten dira: “zahar” bakoitzari “gazte” bat dagokio eta ikasturtean zehar ekintzak burutzen dituzte elkarrekin. Ikasle zaharrena bestearen tutorea eta laguntzailea izango da.

Bikote harreman hauekin elkar ezagutzea eta ikasleen artean elkar eragitea bilatzen dute.

Kurtso hasieran bikotekidearen aurkezpena egiten da, eta kurtsoan zehar, jaialdi, ekitaldietan… edo proiektu baten barruan elkarrekin egin beharreko lanak (euskararen eguna, liburuaren eguna…) burutzen dituzte.

Nolabait ere haundiak txikientzako erreferentzia bihurtzen dira eskola barruan eta eskolatik kanpo ere. 

§         IGELDO . Zinema proiektua. http://igeldoeskola.blogspot.com.es/search/label/ZinemaZinema Zinema esperientzia

Proiektuka lan egiteak aprendizaiaren ikuspegi eraikitzailea bultzattzen du.  Elkarreragina eta kooperazioa testuinguru esanguratsuetan aurrera eramaten da, jakintza arloen globalizaioa  ardatz izanik ( hizkuntza, plastika, musika, irteerak…). Hizkuntzaren ikuspegi komunikatiboa, hizkuntza ekintzak burutzeko tresnak izaten delarik. Ikasle, irakasle eta gurasoen harremanak estutu dira.
Esperientziaren nondik norakoak hauek dira:

- Lauko taldeak osatu (1.zikloko 2 ikasle//2.zikloko 1 ikasle//3. zikloko 1 ikasle)

Zinema gaiaren barruan “Umore saioa “ prestatu  txisteak kontatuz.

-1.saioa: Irakasleak txiste batzuek taldeari aurkeztu Taldekideek bina txiste irakurri eta aukeratu ondoren, batak besteari letra txukun eta irakurterrazean kopiatu-besteei eman ikas zezaten.

Hemen,  oraindik irakurtzen hain ondo ez zekitenek, irakurtzen zekitenen laguntza jasotzen zuten eta idazten hain ondo ez zekitenek edo hizkia hobetu behar zutenek besteen laguntza zuten.

-2.saioa:. Txistea ikasita ekarri.Pertsonaien banaketa egin, entsegatu eta antzeztu. Atrezzoa eta jantziak prestatu eta grabaketari ekin.  Horrela hizkuntza, trebetasuna eta interpretazioa landuz .

 Irakasleak muntaia prestatu eta “Umore saioa” izan zen azken emaitza. Saio hau eskolak proiektuaren amaieran antolatu zuen zinemaldian aurkeztu zen. 

HBSP (PREE) Mintegia- 3. saioa

       Atzo, egin zen 3. saioa eta sekuentzia didaktiko bat aurkeztu zen: JARABEAK
       Bereziki, sekuentzia Natur Zientzietako edukiak ikasteko egina dago, hain zuzen ere, disoluzioa,  bere ezaugarriak eta kontzentrazio kontzeptuak lantzeko, baina ahaztu gabe ikasleek idatzizko testuak ulertu behar dituztela,  ahoz zein idatziz ikasitakoa azaldu behar dutela, Zientziak arloan ikasitakoa testuinguru desberdinetan aplikatzen ikasi behar dutela: akademikoa, pertsonala eta soziala. Hau da, konpetentzia zientifikoa garatzeko, Zientziari buruzko gaiak irakurri eta hitzegiten jakin behar dutela.
    
       LEER.ES webguenan dagoen "JARABES" unitate didaktikoan oinaritzen da, Mª Jesún Martín-Diez egilearena.

      Sekuentzia didaktikoa bitan bananduta dago: ikaslearentzat materiala eta irakaslearentzat.
 
Hona hemen dituen ikasleentzako jardueren izenburuak:

1. JARABEAK ZER ETA ZERTARAKO?
2. ZER IKASIKO DUGU BOTIKA-JARABEEI BURUZ?
3. HARTALDI BAKOITZEAN ZENBAT?
4. BOTIKA BATEN PROSPEKTOA ULERTZEN 
5. BOTIKA-JARABE BAT LABORATEGIAN PRESTATZEN
6. ZER DIRA GENERIKOAK?  

13-14 "Ikaskuntza kooperatiboa gelan" Mintegiaren hasiera

Elkarrekin ikasi...

Urriaren 21ean hasiko dugu Donostiako Berritzegunean "Ikaskuntza kooperatiboa gelan" mintegia.

Arratsaldeko 15:00etan hasiko gara Areto Haundian Donostiako Ikastetxeetako 36 irakasle.

Sarrera egin ondoren, bi lan taldetan banatuko gara. Hasiera fasean dauden ikasetetxeak eta orokortze faseko ikastetxeak.




Hemen aurkituko dugu mintegiko plataforma irekia: markoa, baliabideak, erreferentziak... Orri hau mintegian eta ikastetxeetan erabili daitekeen erreferentzia da.

Hauek dira mintegiko helburuak:

- Ikaskuntza kooperatiboa, konpetentziak garatzeko metodologia ezagutu, sakondu eta gelaratu..
- Ikaskuntza kooperatiboaren jarduerak diseinatu, kontrastatu eta baloratu.
- Ikastetxeko dinamizazio estrategiak aztertu ,proposatu eta baloratu.
- Irakaslearen konpetenziak areagotu. Koordinatzailearen konpetentziak garatu.

13-14 mintegi DATAK: 

Urriak 21
Azaroak 18
Abenduak 16
Urtarrilak 27  2014
Otsailak 17    2014
Martxoak 17  2014
Maiatzak 12   2014

13-14ko partaideak: 

 Orokortze fasean:

* Ekintza

* Sto Tomas

* Sta Teresa

* Herrera

* Aiete

* Arantzazuko Ama LH

* Usandizaga-Peñaflorida

* Arantzazuko Ama BHI

* Lauaizeta BHI

Hasiera fasean:

* Ibai

* Arantzazuko Ama BHI

* Orixe

* Intxaurrondo

* Usandizaga-Peñaflorida

* San Alberto

* Zurriola

* Niño Jesus Praga

* Ekintza

* Mariaren Bihotza

* Arantzazuko Ama BHI

IK-KI Symposium - Donostian.

Ekainaren 27 eta 28an, 2. symposium Ikasketa kooperatiboei buruz egin da Donostian, Magisteritza eskolan. Ekitaldi honetarako Blog bat sortu egin zen eta bertan bai programa eta eginiko jarduerak ikus daitezke. Bertan ere eskigita daude symposum honen tailerren eta komunikazioen bideoak eta aurkezpenak.
Symposium honen blogaren helbidea: http://aprendizajecooperativo2simposio.blogspot.com.es/

IKASI KOOPERATUZ/ KOOPERATZEN IKASI HASTAPEN MINTEGIA

Aurtengo ikasturtean hastapen mintegia antolatu da, Ikaskuntza Kooperatiboa proiektuan hasi diren ikastetxe berrientzat. Bertan zazpi saio egin dira. Partaideen ilusioak, gogoak eta inplikazioak busti du egindako bidea. Parte hartu duten ikastetxeak Santo Tomas lizeoa, Ekintza ikastola, Igeldo herri eskola, Summa Aldapeta eta San Ignacio de Loyola ikastetxeak izan dira.

 Ikaskuntza kooperatiboaren marko teorikoa, talde kohesioa, talde lana baliabide bezala eta baita ere talde lana edukin gisa  ezagutzeko, aplikatzeko eta konpartitzeko gunea izan dugu.

VICeko unibertsitateko Pere Pujolas eta José Ramón Lago adituen hitzaldietan ere parte hartzeko aukera izan dugu.

Maiatzaren 10ean, Gipuzkoako Berriztapen jardunaldietan “IK/KI eskola inklusiborako bidea eraikiz” mahai inguruaren ondorioak entzun eta gero, indar berrituak sentitu gara hurrengo ikasturtean gure ikastetxeetan abian duguna elikatzen jarraitzeko.

Ikasleen laguntza gela arruntean: Ikaskuntza kooperatiboa

Donostiako Berritzegunean, hirugarren ikasturtez, "Ikaskuntza Kooperatiboa" proiektua lantzen ari gara. Momentu honetan, bi mintegi ditugu martxan: Hasiera fasekoa eta Orokortzen-Finkatze fasekoa.
Eskualdeko hainbat ikastetxe ari dira bi mintegietan eta Ikastetxeko Proiektuetan: Aiete LH, Igeldo LH, Arantzazuko Ama, Herrera LH, Zubieta LH, Lauaizeta BHI, Sto Tomas, Ekintza, Larramendi, Sta Teresa, San Ignazio...
Beste hainbat ikastetxe ere hurbilpena egiten hasiak dira. Eta honela, Gipuzkoa mailan, ehun ikastetxe baino gehiago ari dira-gara honetan, 3000 ikasle baino gehiagorekin.

Ikastetxe bakoitzean, irakasle talde deseberdinak ari dira gelako aniztasuna inklusio bidetik lantzen, ikasleen ikaskuntza prozesuaren autonomia eta personalizazioa bultzatzen, elkarlana eta autoerregulazioa sustatzen.

Bide honetan, BGko mintegi desberdinetatik ari gara proiektu honen uztarketa egiten: Ikaskuntza kooperatiboaren mintegitik aparte, Orientazio mintegia, Laguntza Irakasleen mintegia, Kontsultoreen mintegia, Berariazko Indartze Proiektuen mintegia...Eta honela, ikastetxeko irakasle perfil desberdinak artikulatzen dute bere praktika gela arruntean.

Marko honetan irakurri behar da ondoko aurkezpen hau.VIc-eko Unibertsitateako Jose Ramon Lagok azaldu zuen aurrekoan eta irakasle talde askotan lantzen ari direna. Bertan, Ikaskuntza Kooperatiboko hiru eremuetako dinamiken (Kohesio dinamikak, Arloak Ikasteko dinamikak, Kooperazioa ikasteko dinamikak) egokitzapena azaltzen du, ikasleen laguntza gelan arruntean ikusten bait du. Eta hori da hai zuzen momentu honetan ikusten dugun erronkarik nagusienetako bat. Eta errealitatean, bai ikastetxe eta Berritzegunetako praktiketan, laguntzak antolatu eta erabakitzeko moduan (politikan) eta irakasle taldeek pentsatzen eta sinesten duten kulturan hori da ikusten ari garena.

Ikasleen laguntza gela arruntean: Ikaskuntza kooperatiboa