Hizkuntza Proiektua egiteko Mintegiaren 3. saioa

Urtarrilaren 10ean ospatu zen. Parte hartzen duen ikastetxe bakoitak hasitako prozesuari aurrera jarraitzen dio. Hala ere, egun ikastetxeetan alderdi askoko gaiak sortzen dira eta Hizkuntza Proiektu bati eustea ez da bat ere erraza. Baieztapen hau iazko Mintegian zein aurtengo honetan begibistan dago.

Elkarreragina

Honekin lotuta gainditu beharreko gai bat irakasle-taldearen inguruan sortzen den koordinazioarena da. Izan ere, behar diren koordinazioak nahiz bertan bete behar diren agiriak (galdetegiak, dokumentuen erredakzio-lanak,…) borobiltzeko irakasle-taldearen elkarreragina nahiz elkarkidetza ezinbestekoak dira. Gehiago esango nuke: eskolako komunitate osoaren kolaborazioa.

Adibide gisa azkeneko saioetan bi motatako tresnak aztertzen egon gara behar den informazioa era egoki batean eskuratzeko. Horra hor “ikasleen hizkuntza ingurua” edo “ikastetxearen hizkuntza giroa” gai hauen inguruko erronkak. Esan bezala biak indar askoko atalak eta ezbairik gabe ezinbestekoak Hizkuntza Proiektuari begira planteamendu sendo bat bermatu nahi bada. Berdin esparru “didaktiko-metodologikoan” sartzen garenean.

Golden 5: Gure ikasleek distira egin dezaten

"Zure umeak distira egin dezan" izenburuarekin argitaratu zuen Argiak 2014ko uztailean artikulu zabala eta ondo ekarria Golden 5 programari buruz. Hik Hasi aldizkariak ere sakon jardun zuen gaiaz 2015eko martxoan. Eta handik gutxira, Convives-ek ekarri zuen argitara programa eta programaren inguruko hainbat informazio.

ARTIKULUAK PDF FORMATUAN Argia:  Zure umeak distira egin dezan Hik Hasi: Ikasle bakoitzaren onena ateratzea xede Convives: Programa Golden: Una mirada positiva al desarrollo del alumnado

Euskal Herrian argitaratu ziren bietan aipatzen zen 40 inguru ikastetxeek hartu zutela parte Golden 5 programaren hasierako urtean, eta 86 hurrengoan. Une honetan, 2016-17 ikasturtean, 120 ikastetxe baino gehiago dabiltza Gipuzkoako berritzeguneek antolatzen ditugun mintegi eta lurraldeko saioetan. Sekulako arrakasta.

Baina arrakasta ez da zenbat ikastetxe ari diren programa bat aplikatzen. Arrakasta da Gipuzkoako hainbat eskoletako ehunka irakasle, egunero, ikasgelara sartzen direla euren ikasleek distira egin dezaten helburuarekin. Zertan oinarritzen dute beren asmoa? Nola lortzen da hori?

Golden 5 bi teoria nagusitan oinarritzen da: batetik, espektatiben teorian eta, bestetik, atribuzioen teorian. Espektatiben teoria, Pigmalion efektua ere deitzen zaiona, 1978an Roseenthal-ek garatutako teoria da. Haren esanetan, irakasle batek ikasle batenganako espektatiba altuak baditu, ikasle horrek emaitza hobeak lortuko ditu. Teoria horren funtsean dagoen oinarria “pentsatzen duguna ikusten dugula” da. Heiderren atribuzioen teoria ere aspalditxokoa da, 1958koa hain zuzen, eta hainbat esparrutan erabili bada ere, ez du hezkuntzan aplikazio handirik izan. Labur esanda, atribuzioak partekatzen ditugunean gure arteko harremana estutzen denez, askotan egiten dugu konturatu gabe. Irakasleen artean ere berdin gertatzen da eta batek besteari ikaslearen inguruan atribuzio negatiboa egiten badio, besteak inkontzienteki indartzeko joera izango du, beraz, espektatiba negatiboak zabalduko dira. Aldiz, ikaslearen gaineko atribuzio positiboak partekatzen badira, ikasle horren alderdi positiboak hartuko du indarra eta ikaslea bera loratzen joango da.

Ondorengo bideoan azaltzen du espektatiba eta atribuzioen gaia Maria Jose Lerak, Golden 5 programaren egileetako bat

Ikaslea begirada positiboan jartzea eskatzen dio Golden 5ek irakasleari, baina, proiektua martxan jartzeko, horrekin ez da nahikoa. Programa egituratu, sistematizatu eta estrategia zehatzak markatu behar dira, irakasleek eguneroko jardunean aldaketak txertatuz joan daitezen. Horregatik, Golden 5 programa bost eremu nagusik osatzen dute. Funtsean dagoen ideia zera da: arlo horietako bakoitzean arreta jarriz, irakaslearen jardun osoa hobetuko da. Eta ondorioz, ikasle guztien eskola arrakasta nabarmen handituko da. Aurkezpen honetan azaltzen dira gakoak:

Asko luzatuko ginateke Golden 5ek eskoletako harremanetan eragiteko duen ahalmena azaldu nahi bagenu blog sarrera batean. Batetik, planteamendu oso garatua eta zehaztua duelako eta, bestetik, eten gabe garatzen ari delako, bai irakasleen praktikak programari egiten dizkion ekarpenekin, baita egileak egiten ari diren sakontzeko lanari esker ere. Sakontze lan horren emaitza, Maria Jose Lerak idatzi duen eta laster argitaratuko den liburua, programa bera eta jasotako esperientziak azaltzeaz gain, gizakia ulertzeko teorien ikuspuntu landua eta oso baliagarria ematen duena. Gure ikasleek guztiek distira egin dezaten eta, ondorioz, irakasleen bikaintasuna eta gizartearen harmonia handiago izan dadin.

GEHIAGO JAKITEKO

- Golden 5 erakundearen webgunea - Donostiako Golden 5aren moodlea

Hizkuntza Proiektuari buruzko Mintegiaren amaiera

Donostiako Berritzegunean Hizkuntza Proiektuaren Mintegiaren azkeneko saioa (7.a) burutu eta gero hasieratik bukaeraino egindako ibilbideari begirada bat ematea nahitaezkoa da. Hortik doa segidan adierazten dena. 

Batez beste Hizkuntza Proiektua aztergai moduan izatean bospasei azpigai nagusi jorratu dira: 

-Ikastetxeko Koordinazioa (Partaideak-Arduradunak) 

-Diagnosia ( ikastetxe batek dituen informazio iturririk gehienak profitatuz) 

-Garapena (Helburuak zehazteko tresnak, Hizkuntzaren planteamendua) 

-Garapena (Plan Estrategikoa) 

-Baliabideak teknologi berrietan (Moodle), informazioa 

-Ikastetxeen esperientziak partekatu 

Prestakuntzaren ikuspegitik agian beste batzuen artean aspektu bat gailentzen da. Nola egin ikastetxe bakoitzak daraman hizkuntzekiko esperientziak bat egin dezala besteek daramatenarekin?. Hain zuzen ere hortxe dago koska ze gero Mintegiaren saioetan zehazten diren galderak zein atazak denei baliagarriak suertatu behar baitzaizkie. 

Beraz, emandako iradokizunak zein aholkuak alde batetik eta erabilitako tresnak zein baliabideak bestetik ildo horretatik zihoaz, hots, nolabaiteko kutsu orokorretik ikastetxe bakoitzean duen kutsu partikularrera abiatzeko ildotik. 

Gainerakoan ez da esan behar formakuntza honen partaide ororen arteko elkarreragina funtsezkoa suertatzen denik.

Saioaren amaieran, baliabide hornitzearen ildotik jarraituz, Mintegiaren aplikazioan (Moodle) Ignacio Vilaren hitzaldi bati ("Prácticas educativas en entornos plurilingües") buruzko bideoa aipatu eta ikusi zen oso gainetik. Interesgarria delakoan hemen ere txertatzen da. 

Minutu batzuen edukiak:
4:20- Inmigración y niveles educativos parecidos
8:50- Creciendo la diversidad
10:00-Los últimos 7 años, Plan Inclusión, interculturalidad, plurilingüismo
12.45-Competencia plurilingüe
14:40-Una lengua base
19:02-Incorporación tardía, aulas de acogida
23:00-Aprender una lengua....
24:30-Prácticas educativas y predominio lengua oral
27:00-Incorporación todas las lenguas
..................

Bukatzeko Hizkuntza Proiektuaren erronka honekin Mintegi honen bidez urrats bat eman dela esan genezake, aurrerantzean ere beste urrats batzuk faltako ez zaizkigula kontuan harturik. 

Jakintza Ikastola auzoko bizitza hobetzen

Proiektu ederra egin dute Jakintza Ikastolan eskola eta auzoaren arteko erlazioa sustatzeko. Jakintza Ikastola (ikasleak, irakasleak, langileak eta gurasoak), Tabakalerako hezkuntza taldea eta Antiguako auzokideen arteko elkarlanaren bidez garatu dute.

Tabakalerako kultur proiektuen prozesuan kokatzen da ekimena. Hezkuntza komunitate eta Elkarteekin programan, hain zuzen ere. Azken urteetan “Haurren Hiria” bezalako esperientziei esker, hirigintza, hiritarren parte hartzea, eskola eta hezkuntza kontzeptuak modu zabalago batean ulertzen dira eta espazio publikoa, hezkuntza proiektuak garatzeko testuinguru eta lanerako espazio bilakatu da, eraldaketa sozialerako aukerak eskainiz.

Jakintzako ikasleak beren gustuko txokoak planoan adierazten   cc-by-sa Tabakalera

Abiapuntua honako hau izan da:
Nolakoak dira gure eskolako eta inguruko espazio publikoak? Nola eraldatu eskola eta auzoaren arteko erlazioa? Helburua, hiria, hezkuntza eta praktika kolaboratiboak bultzatzea eskolako espazioetan eta auzoan.

Eta lehenengo deialdi honetan Jakintza Ikastolak aurkeztutako proiektua izan da aukeratua. Egitasmoa Erregezain eta Heriz kaleak lotzen dituen pasabidea biziberritzearen desiotik sortzen da. Toki berezia da, bai ikastolako ikasleek eta bai bizilagunek erabiltzen dutelako. Leku atseginagoa bihurtzeko helburuarekin, gustuko dituzten auzoko toki batzuk esploratzen aritu dira, pasabiderako proposamenak eta ideiak jasotzeko. Ondoren, eraldaketa denon artean diseinatu eta garatu dute kultur-trukerako espazio bat sortuz.

Horrekin guztiarekin, auzoa eta eskolaren arteko harremanak estutu nahi dituzte, eskola auzora ateraz eta auzoko txoko batzuk “eskola” bihurtuz. Ikastolatik auzora! Pasabide berriaren irekiera ekainaren 3an izango da, arratsaldeko 17:00etan

Jarraian,  ikus eta entzun dezakezue protagonistek beraiek kontatutakoa.


Jakintza Ikastola: Hiria, hezkuntza eta praktika kolaboratiboak from Tabakalera on Vimeo.

EHU eta Donostiako Berritzegunea elkarlanean.

Atzo Donostiako Berritzegunera EHUko irakasle eskolako practicum ikasleak etorri ziren gure lana eta jarduna ezagutzera.Aukera paregabea  gure laguntza zerbitzuan ikastetxe eta irakasleei eskeintzen zaien prestakuntza, aholkularitza eta egiten diren eskuhartzeak beraiekin partekatzeko.

Ikasleak Unibertsitatean 3.ikastutea burutzen ari dira, egun Donostiako ikastetxeetan bigarren urtez praktiketan daude. Atzoko saioan beraien esperientziaren berri eman ziguten eta  berrikuntzarako , prestakuntzarako proposamenak jaso genituen.

Mila esker parte hartu zenuten guztioi!!!!!

Gure ikastetxeak  irakasle berritzaile eta ekintzailez ornitzeko aukera ona daukate!!!!!

Hizkuntza Proiektua lantzeko Mintegiaren berri

Goikoan azaltzen den irudia Hizkuntza Proiektua lantzeko Mintegiko aplikazio digitalekoa da. Bertan saioz saioko edukiak azaleratzen ditugu.

Orain arte bi saio besterik ez ditugu egin –datorrena abenduaren hasieran-. Besteak beste saioen helburu garrantzitsu bat parte hartzen diren ikastetxeen artean era egoki batean bat etortzea litzateke; horrela aurrerantzean ibilbide komuna garatuko da. Oro har, bi saio hauetan adierazitako lanak nahiz azpitaldeen elkarerraginak honako hauek izan dira:

• Ezagutu hizkuntzei dagozkien deialdiak, iradokizunak, dokumentazioa.

• Begiztatu nahiz komentatu beste ikastetxeetan sortutako praktika onen  markoak.

• Ezagutu Hizkuntza Proiektuaz sortuak diren beste plataforma digital batzuk.

• Hurbildu Mintegiko parte hartzaileek beren ikastetxeetatik ekartzen dituzten ekarpenetara.

• Ezagutu galderak, hausnarketak, aukerak, alde batetik, hizkuntzei buruzko diagnosia egiteko, eta bestetik, hizkuntza proiektu bat idazten hasteko.

• Eduki edozein ikastetxetan hizkuntzen esparruaz sentsibilizatzeko hasierako iradokizun batzuk.

• Proposatu ikastetxean hizkuntzen ardura nahiz kudeaketa dauzkan lan talde (edo hizkuntza batzordea)-aren partaide ezberdin zein bakoitzaren betebeharrak.

• Jarraitu hizkuntza proiektu bat egiteko gida ofizialaren argitaratzearen prozesuari.

Beheko parte honetan ikus daitekeen bideoak "zer da hizkuntza ongi hitz egitea" delako galdera medio ongi adierazten dizkigu hizkuntzak (hizkuntzek) dituen erronkak eta aldi berean Hizkuntza Proiektu batek dituenak ere bai.

IKASKUNTZA ZERBITZUA PROIEKTUA THE ENGLISH SCHOOLen

Badira urte batzuk The English School eta Lamorous Zentroa
elkarrekin lanean ari direla. Hasieran, Ikastetxeko ikasle-irakasleek Zaharren egoitzara joaten hasi ziren bisita egitera eta Eguberrietan Musika kontzertua ematera.

Berehala konturatu ziren irakasleek eta Egoitzaren arduradunek jarduera horri beste buelta bat emanez, proiektu aberatsa garatu zitekeela.

Eta pentsatu eta egin, azken sei-zazpi urte hauetan proiektu hau benetako Ikaskuntza Zerbitzu proiektua bihurtzen joan da.

Ikasturte honetan, Ikastetxeko zuzendaria den Beatriz Cortes, eta LH 5eko irakasleak diren Martin Valencia eta Itsaso Garmendiak garatu duten proiektuaz aritu gara. Ikastetxeak eta Zaharren egoitzan antolaturiko jarduerak elkar ezagutu eta elkarrekin gauzak egiteko aitzakia bat direla badakite eta Gaztelera, Euskara eta Plastika arloetan aritu dira lanean.

Generazioen arteko elkar ezagutza bultzatzea eta sustatzea helburua izanik, hasierako jarduera inkesta bat egitea izan zen. Gaztelera arloan, inkesta baten helburuak zein diren, nola osatu, nolako galderak... landu zuten eta taldeka, hainbat inkesta prestatu zituzten neska-mutilek. Gurasoek ere lagundu zieten etxean, hartara hiru belaunaldi lotuz: haurrak, gurasoak eta aiton-amonak. Nolakoa zen gurasoen bizitza eta aiton-amonen bizitza 10 urterekin? Zer egiten zuten jolasteko? Zein ziren kantu abestuenak?...

Egoitzan elkartuz, elkarrizketa garatu zuten. Irakasleak bai esan ere: "Gidoitik ateratzea komeni da: benetako elkarrizketa ez da bakarrik inkesta bat. Pertsonak ezagutzeko, bizimoduak ezagutzeko.... balio du"

Ikasleek rol aktiboa hartu zuten. denak ziren nor tartean zuten jarduera garatzeko. Eta elkarrizketa egin ondoren, testua osatu eta gelaren aurrean azaldu zuten, benetako erreportariak bezala. Beraiek aitortua, konturatu omen ziren pertsona guztiak izan direla haur...beraiek orain diren bezala. Beste begirada bat aurkitu zuten.

Bigarren jarduera, Eguberritako dekorazio partekatua izan zen: Plastika arloan, Zaharren egoitza apaintzeko elementuak egin zituzten. Asmatu, burutu... "Aizu...lan hori ez dago eramateko moduan, hobeto egin beharko duzu" zion ikasle batek besteari... Benetako lana zenez, kalitatea zaintzea ere merezi zuen...Motibazioa ere erreala zen. Lanak bazuen helburu jakin eta partekatu bat.

Egoitzako biztanle guztiek harrera ona egin zieten ikasleei eta elkarrekin aritu ziren egoitza apaintzen. Irakasleek ere zerbait deskubritu zuten: aurreko elkarrizketarekin lortutako konfidantzan oinarrituta, ikasleek rol aktiboa zuten egin beharreko lanean, agureekin hitz egiterakoan, apaingarriak non jarri erabakitzerakoan, lana gidatzerakoak, lana egiterakoan... Agureek egoitza osoa erakutsi zieten bisitari ospetsuak bailiran.

Apaingarrien ostean hiru kanta ere kantatu zituzten eta agureek eskolara bisita bueltatu zietenean, honako jarduera hauek antolatuak zituzten: Eguzki sistemaren azalpena, Ipuin motzen kontaketa, ikasleek egindako bideoarne azalpena...Talde interaktiboak etageberazioren artekoak.

Azkenik, "Pintxo-pintxo" ekitaldia prestatu zuten ikasleek  Lamorous Egoitzan, eta bertako biztanleekin batera ospatu zuten urteko   Ikasleek Lan-taldeetan antolaturik, erosketak egitera joan ziren, zerrendan adostutako gaiak erostera, aurrekontu jakin batekin. Talde bakoitzak bere pintxo hotzaren espezialitatea prestatu zuen Zaharren egoitzan eta bost mahai antolatu zituzten pintxo guztiekin. Zer ikasi zuten? Egingo zutena planifikatzen, prestatuko zuten pintxoa adosten, osagaiak zerrendatzen, aurrekontura egokitzen, pintxoa sukaldatzen, aurkezten eta ospatzen.

" Mano Viva" edo "Esku Bizia"  proiektu bat ere badute ikastetxean, Ikaskuntza Zerbitzua Proiektuak garatze bidean ari bait da ikastetxea. Ikasleek ikasten dutenarekin komunitateari zerbitzu erreala emanez.

Antigua-Luberri Zig gelako ikasleak: "Uretara jauzi, gozatu, uretan ikasi"

ANTIGUA-LUBERRI BHIan  ZIG gelan , badira 6 urte ikasleekin ur iharduerak lantzen dituztela, ikasleak, mailaren arabera 2 taldetan banatuz. IZASKUN BOTO, ZIG GELAKO IRAKASLEA da  programa honen arduraduna, GORPUTZ HEZKUNTZA eta  PEDAGOGIA TERAPEUTIKOan LIZENTZIADUNA..

  BIDEOaren egileak: 

EUGENI ALZIBAR eta ESTEBAN GARCIA, ZIG gelako ikasleak

 Hau da, Izaskun Botok programaz emandako argibidea:

Donostiako  Udal Patronatoak, Benta Berriko igerilekuaren erabilpena baimena eskatu ondoren, igerilekuko kale bat gordetzen digu, bertan dagoen ur materiala erabiltzeko aukerarekin.

Orokorrean, igeriketako programa honekin gure ikasleen urarekiko harremana eta gozamena ditu helburu. Baina argi dago hau baino askoz zabalagoak dela:

• Ikaslearen igeriketako maila aztertu ondoren, banakako helburuak markatzen dira (ahoz gorako eta beherako flotazioak, arnasketak, besoko eta hankako propultsioak, inmertsioa, jauziketak,...), zenbaitetan material gehigarriak erabiliz.

• Behin, norberaren igeri egiteko modua lortuta, sendotu eta iraupena jorratu.

• Guzti hau, jolasen bidez eta tarteka banakako teknika sartuz.

Helburu nagusiak, urari beldurra galdu eta ahal den neurrian, urritasunik ez duten pertsonek bezala, urarekiko harreman ona izan eta disfrutatzea dira.

Honekin batera, norberaren autonomia lantzen da, aldagelan batez ere. Zer esanik ez  elkarrekiko harremanak eta baita leku publiko batean egoten jakitea ere.

Aurten, guztira 16 ikasle ari dira, aipatu dudan bezala bi taldetan banatuta (asteazkenetan eta ostiraletan, 2 ordu jarraian). Baina iaztik hona, garun paralisidun ikasle bat  dagoenez  ordu bat berari  bakarrik eskaintzen zaio (asteartetan igerileku epelean). Ikasle honek beste ordu bat ere igerilekuan ematen du. Asteazkenako saioan bigarren irakasle batekin sartzen da, aurreko egunean programa honen arduradunarekin landu duena jorratzeko eta nola ez beste ikasleekin egon ahal izateko. Ikasle honek eman duen aurrerapena oso nabarbena izan dela esaten ausartzen naiz. Hala ere, igeriketako programa honek ez du amaierarik, ikasle hauekin beti baitago aurrera egiterik, askotan beste kirolik egiten ez dutela eta euren mugikortasuna murrizten doala kontuan izanik.

PROGRAMA ABERATSA  ZALANTZARIK GABE!!!

ARGIBIDE GEHIAGORAko

iboto@irakasle.net

http://antigualuberrizig.blogspot.com.es/

Ibilbide pedagogikoa: Science in the English Classroom

Donostiako Berritzegunea in the so-called Ibilbide Pedagogikoak has organized a presentation cum visit to Amara Berri.
Amara Berri has integrated in its methodological system the Educational Trilingual Framework that the Education Departmanet launched in 2010, Amara Berri joined the project during its second school year.

As the teachers, Susana Fernández and Karmele Mendia, explained to us, at the beginning of the project there were doubts and fears and organizational challenges that the English Departament within the school and with the help of the rest of the educational community faced.
The challenges were answered and we could say that with a high degree of success.

They teach Science in English in the second cycle of Primary and they integrate Science content in the English classroom in the third cycle.
The learners work and learn about the Human Body, the European Union, different countries of the world, the Solar System, vertebrate animals, inventors and inventions...
Students produce different kinds of texts that are presented to the rest of the class and the broadcasted or published in the school magazine, and the school' s radio and TV and they also keep a class blog.

Susana and Karmele during the presentation

The whole group that attended the session 

The methodological approach combines very susscessfully the Amara Berri global approach with CLIL (Content and Language Integrated Learning) and TBL (Task Based Learning).

We want to thank the presenters and Amara Berri for the great session and also the attendants , English teachers from Intxaurrondo Hegoa Ikastetxea, Ikasbide Ikastola, Ibai Ikastola, Ordiziako Urdaneta Eskola eta Donostiako Jesuitak .

Keep up the good work!!

Eguzkia eta Matematika

                Joan zen larunbatean, martxoaren 7an, paregabeko aukera izan genuen oinarrizko buruketa aritmetikoak erakusteko beste era batean gure LHko ikasleei , askoz esanguratsua, askoz sendoagoa eta askoz askea!!!!!

              Tenerifetik Tony Martín LHko irakaslea etorri zitzaigun. Zein da Tony Martín?

         Eta zer kontatu zigun?
         Denboraren zehar, oinarrizko buruketa aritmetikoen aprendizaia eta irakaskuntza algoritmo tradizionalekin erabat lotuta egon dira. Horrek ikaslerarengan buruko pobrezia sortu du eta gainera urteekin ahaztu egiten da. Hori dela eta, edozein kalkulu sinple bat egiteko hiritar gehienak ezintasun batean  bizi dira, hiritar horiek tradizionalak diren algoritmoetan oinarritutako matematika-irakaskuntza jaso dutelako.

         Tonyk erakusten digu beste metodologia bat, ez da berria, orain dela 20-25 urtekoa baizik, non ikasleak , LHko 1. mailetako ikasleak hain zuzen ere, gai dira kalkuluak egiteko mentalki, inongo problemarik gabe.
         Zenbakiak konplikatzen direnean, zifrak oso haundiak direlako, kalkulagailua erabiltzea da proposamena, inongo bildurrik gabe, aldez aurretik, nola ez estimazioa egitea erakusten.

Larunbatean, Donostialdeko 60 irakasle goiz osoan egon ziren Tonyrekin, matematikak ondo erakusteko grinak, eguzkiaren beharrari gainditu zuen. Eskerrik asko guztiei.

Tonyren baliabideak berreskuratzeko:
Canal you tube: Antonio Martin 2020
Berarekin kontaktatzeko: tonycapicua@hotmail.com

Eskola Hiztun Bila XVIII. jardunaldia 2015eko martxoaren 2an eta 3an

Aurtengo ikasturtean ere  burutzear dago Ikastetxeetako Hizkuntza Normalkuntzako Ulibarri programaren XVIII. jardunaldia. Marxtxoaren 2an  Gasteizko Musika Kontserbatorioan elkartuko gara  guztiok eta  3an Lasarteko Berritzegunean izango dugu  hitzordua.

Ulibarri Programaren markoan hizkuntza normalkuntza gaiak lantzen dituen jardunaldia izango dugu.  Bertan, EAEko 400 ikastetxe baino gehiagotatik heldutako hizkuntza normalkuntza teknikariek parte hartuko dute. 

Donostialdean,  23 ikastxe Ulibarri Programan aktibo  ditugu eta bertako arduradunak  jardunaldietara joko du.

Jardunaldiak bi ardatz nagusi izanen ditu. Batetik, Hezkuntza eta Hizkuntza Proiektuak berritzeko garaian Hizkuntzek izan beharreko trataeraren inguruan arituko gara eta bestetik, zenbait eragin esparruan oinarriturik esperientzi ezberdinen azterketa eta destilazioari ekingo diogu.

Egitarauan ikus daiteken moduan, aditu eta esperientzi ezberdinen trukaketa egiteko aukera paregabea izango dugu bi egunetan zehar.

Jakintza Ikastolan, lankidetza hobetzen jolasen bidez

Jakintza ikastolan, modu berrian hasi zuten ikasturtea irailean. Jarduera ez-akademiko baina hezitzaileekin jarri zuten martxan 2014-15a.

Azken urte hauetan ikasleen artean geroz eta elkar ulertzeko zailtasun handiagoak eta -gizartean ere gertatzen den bezala- jarrera indibidualista gehiago antzematen dira. Horren aurrean, erantzuna eman beharra sentitzen dute aspalditxo eta horretan dabiltza. Baina, aurten, ikasturte hasierak duen indar sinboliko eta erreala baliatuz, estutxeak ireki eta liburuak zabaldu aurretik, jolasean hasiko zirela erabaki zuten Jakintzan. Elkar hobeto ezagutzeko eta harremanak hobetzeko dinamikak eta jolasak izango ziren ikasleen ikasturte hasierako lanak.

Aurreko ikasturteko bukaera aldean sortu zen ideia. Ikasle taldeen kohesioa hobetzeko, ordura artekoa baino gehiago egin behar zutela pentsatzen zuten irakasleek; Laguntza Departamenduak Paco Cascon-en “Educar en y para el conflicto” ikastaroan jasotako materialekin prestakuntza saio bat eman zuen; eta taldean erabaki zuten irailean praktikan jarriko zutela ikasgeletan. Prozesua horrela izan zen:

Katalin Erauso ikastetxean proiektu aitzindaria Haur Hezkuntzan: “Konpetentzia digitala garatzeko bidean tableten eskutik”.

Katalin Erauso ikastetxeak, ilusio eta gogoz, berrikuntzako proiektu bat Ikastetxeko Hezkuntza Proiektuan txertatu dute, bikaintasuneruntz bidea hartuta.

Eta...Zergatik hasi Haur Hezkuntzan tabletak erabiltzen? Proiektuaren koordinatzailea den Ainhoa Kaperotxipirekin hizketan izan gara eta besteak beste, ideia hauek azpimarratu ditu:

• Gure Gizartea eta errealitatea aurreratzen eta aldatzen doan heinean,  baloreak, teknologiak eta abar aldatzen joaten direnez, ikastetxean  ere aldatu eta egokitu beharko ditugu. Elbert Hubbartek esaten zuen bezala: Eskola ez da izan behar bizitzarako prestaketa... Eskola, bizitza bera izan behar da.
• Tableten bidez egiten den ikaskuntza oso intuitiboa da eta haurrek ikasten duten eran egiten da: ukituz, manipulatuz, aztertuz, jolastuz…

• Tableten erabilpenak, haurren aurre-ezagupenak eragiten ditu.
• Ez dituzte  beste materialak ordezkatzen, osatzeko ordea oso egokiak dira. Albert Einsteinek esaten zuen bezala: Si quieres resultados diferentes, no utilices siempre el mismo material.
• Aniztasunari erantzuteko oso egokiak dira, ikaskuntzaren egokitzapen indibiduala egiten laguntzen duelako.
• Haurren autonomia garatzen laguntzen dute
• IKT-TAC-en erabilpen egokia lantzeko aukera ezin hobea da.

----------

Proiektu hau Haur Hezkuntzan eta Lehen Hezkuntzako 1. mailan praktikan jarri bada ere, urtero maila bat igotzeko asmoa dute, Lehen Hezkuntza osoa lortu arte.

Aurrera eramateko zailtasunak ere izan dituzte, ez dute ukatzen... interneteko konektibitate falta, materiala euskaraz aurkitzea… baina emaitzak ikusita,  ilusioa eta gogoa areagotu dira eta beste ikastetxeak animatzen dituzte haiek hasitako bidea ere jarraitzera.

Informazio gehiago Katalin Erauso ikastetxearen web gunean

KONTSULTORE mintegian ANIZTASUNAri erantzuteko esperientziak

2013-2014 ikasturtean ere KONTSULTORE  mintegia aurrera eraman dugu BG01ean.

Bertan,  besteak beste, ANIZTASUNAri erantzuteko estrategia metodologikoen praktiken adibideak jaso ditugu.

Horietako zenbait esperientzia jaso ditugu eta zuen eskura jartzea izan dugu helburu.
 Ikusi, ikasi eta gaiari heldu nahi izatera bertan dituzue argibideak.

§         AMASSORRAIN. Zentzumenak lantzen

http://prezi.com/pxchlxi8jhc-/hezagutuz-mundura-zabaldu/Zentzumenak lantzen esperientzia

Programa honen helburua da, ikasleek beren burua hobeto ezagutu dezatela  zentzumenen bidez eta euren barne oreka lortzearen bidez. Horretarako ariketa erlaxagarriak ezagutu eta lantzea. Hau eginez besteekiko dituzten harremanak hobetuko dituztelakoan.

Ikasturte hasieran, tutoreak behatutako ikasleen arteko harreman desorekatuak medio. Bai elkar hitz egiteko moduak, elkar fisikoki erlazionatzeko bai eta norbere egoera emozional zailak ikusita laguntza taldera bideratu zigun bere kezka.

Ardatza erlaxazio ariketetan dago oinarrituta zeintzuk kurtso osoan zehar goizeko lehen ordua aprobetxatuz eramaten diren aurrera norbere barne oreka hobetze aldera.

Ardatz honi jarraikiz kurtsoan zehar, tutoretza saioak erabiliz hamabost egunero 1 gutxi gora behera, gure 5 zentzumenak lantzeko saioak bideratzen dira. Saio hauek oso zehaztuta eta bideratuta daude Prezi aurkezpenaren bidez.

Funtsean, programa honen helburua da gure harremanak hobetzeko behar beharrezkoak diren gure zentzumenak  ezagutzea. Ikusmena, entzumena, ukimena, usaimena eta dastamena bai eta gure barne oreka lortzea.

Saioen ebaluaketa burutu ostean oso esperientzia baliogarritzat jo dute. Eragile guztiek ikusi dizkiote onurak: ikasleek, tutoreak eta aholkulariak. Gelako giroa lasaitu da eta lan giro hobea somatu dute.

§         ARANTZAZUKO AMA IKASTOLA. Ikaslaguna 

      http://kafetartea.com/2014/04/01/ikaslaguna/Ikaslaguna esperientzia

Kurtso hasieran bikoteak egiten dira: “zahar” bakoitzari “gazte” bat dagokio eta ikasturtean zehar ekintzak burutzen dituzte elkarrekin. Ikasle zaharrena bestearen tutorea eta laguntzailea izango da.

Bikote harreman hauekin elkar ezagutzea eta ikasleen artean elkar eragitea bilatzen dute.

Kurtso hasieran bikotekidearen aurkezpena egiten da, eta kurtsoan zehar, jaialdi, ekitaldietan… edo proiektu baten barruan elkarrekin egin beharreko lanak (euskararen eguna, liburuaren eguna…) burutzen dituzte.

Nolabait ere haundiak txikientzako erreferentzia bihurtzen dira eskola barruan eta eskolatik kanpo ere. 

§         IGELDO . Zinema proiektua. http://igeldoeskola.blogspot.com.es/search/label/ZinemaZinema Zinema esperientzia

Proiektuka lan egiteak aprendizaiaren ikuspegi eraikitzailea bultzattzen du.  Elkarreragina eta kooperazioa testuinguru esanguratsuetan aurrera eramaten da, jakintza arloen globalizaioa  ardatz izanik ( hizkuntza, plastika, musika, irteerak…). Hizkuntzaren ikuspegi komunikatiboa, hizkuntza ekintzak burutzeko tresnak izaten delarik. Ikasle, irakasle eta gurasoen harremanak estutu dira.
Esperientziaren nondik norakoak hauek dira:

- Lauko taldeak osatu (1.zikloko 2 ikasle//2.zikloko 1 ikasle//3. zikloko 1 ikasle)

Zinema gaiaren barruan “Umore saioa “ prestatu  txisteak kontatuz.

-1.saioa: Irakasleak txiste batzuek taldeari aurkeztu Taldekideek bina txiste irakurri eta aukeratu ondoren, batak besteari letra txukun eta irakurterrazean kopiatu-besteei eman ikas zezaten.

Hemen,  oraindik irakurtzen hain ondo ez zekitenek, irakurtzen zekitenen laguntza jasotzen zuten eta idazten hain ondo ez zekitenek edo hizkia hobetu behar zutenek besteen laguntza zuten.

-2.saioa:. Txistea ikasita ekarri.Pertsonaien banaketa egin, entsegatu eta antzeztu. Atrezzoa eta jantziak prestatu eta grabaketari ekin.  Horrela hizkuntza, trebetasuna eta interpretazioa landuz .

 Irakasleak muntaia prestatu eta “Umore saioa” izan zen azken emaitza. Saio hau eskolak proiektuaren amaieran antolatu zuen zinemaldian aurkeztu zen.