GENERORIK GABEKO GUNEAK IGELDOKO ESKOLAN

Badira urte batzuk Igeldo eskolak pertsonen arteko berdintasunaren alde lanean ari dela. Berdintasunaren eta tratu onaren bidean lana egitea txertatuta  dute eskolako Hezkuntza Proiektuan, 
Patioaren eraldaketatik orain komunen eraldaketara egin dute bidea, generorik gabeko dutxak jarriz aldageletan.

Ikastetxeko espazioak eta generoa: patioak, komunak eta aldagelak Igeldo eskolan 

Kinka Zapia buruan, ibili munduan! (Amelia Barquín-en bloga)

IBAI Ikastolan, INGURUMENAren ALDE

2018-2019 ikasturtean, KONPETENTZIA ZIENTIFIOAren lanketaren baitan, eskolan sortzen diren hondakinen birziklapena aitzaki, eskola osoan proiektua garatu dute. Proiektu honetan, ziklo bakoitzak aurrikusitako erronka bati erantzuna emateko bere ikasprozesua, planifikatu eta aurrera eman du.

Honek komunitate osoan islada izan du eta honen adibide hirugarren zikloaren azken ekoizpena: kotoizko zorrotxoa.

AMA LURRA gure PLANETA denon arteko jarrera ARDURATSUAK ADOSTU eta AURRERA eraman.

Claret Ikastola Ikas Komunitatea

Ikastolak izan duen lehenengo aldaketa izen aldaketa izan da: Mariaren Bihotza ikastolatik CLARET IKASTOLA izatera.

Klaretarren Euskal Herriko lurraldeetako ikastetxeek, hezkuntza programa berdina duen talde bat osatu dute. Horrela Bizkaiko Askartza Claret, Donostiako Mariaren Bihotza Ikastola eta Iruñako Cardenal Larraonak izena aldatu dute eta hemendik aurrera, Claret Askartza, Claret Ikastola eta Claret Larraona deituko dira.

Ikastetxe desberdinen elkarketak, logotipo eta irudi berria ekarri dio ikastolari. Logotipoa xumea eta alaia aukeratu dute.

Claret Ikastolak badu beste erronka bat, ikastola IKAS KOMUNITATE bihurtzea. Helburu hori dela eta, ikastolako irakasle taldeak, senideak eta irakasleak ez direnak prestakuntzarekin hasi dute ikasturtea. Ikas komunitatea izateko eta erabakia hartzeko prestakuntza sakona jaso dute. Proiektu honetan ezinbestekoa baita denon partaidetza.
Prestakuntza jaso eta gero, irakasle taldeak aho batez Ikas Komunitatea izateari baietza eman zion.

Urriaren 4ean ikastolan Gurasoen batzarra ospatu zen. Bertan Mateo Larrauri (EHko Claretarren probintziala), Aitor Kamiruaga (Ikastolako Zuzendari Orokorra), Miren Etxabe (Zuzendari Pedagoikoa) eta Rocio Garcia Carrión (Deusto Unibertsitateko irakaslea) izan ziren.

Ikas komunitateak zer ziren azaldu zuten eta Ikastolak horretan bihurtzeko zein pausu eman behar dituen argi utzi zuten.

Zeuden kezkak argitu eta gero senideen bozketa egin zen. Jaso ziren botoak denak aldekoak izan ziren, bertakoen artean ez zen ezezko botorik jaso.

Aurtengo ikasturtea ilusio berriekin hasiak dira Claret ikastolako irakasle, senide eta komunitatea osatzen duten pertsona guztiak. Ikas Komunitatea izatea erabaki eta gero, denon artean nahi dugun eskola amestea izango da hurrengo lana.

Ni irakasle, ni guraso, ni jantokiko begirale, ni ikasle " Nolako ikastola nahi dudan amestu behar dut"."

Nahi dugun ikastola amestea izango da hurrengo pausoa.

ZORIONAK !

Izandako ikastaro bat: HTB-TIL eta esperientzien koordinazioa

Hizkuntz eremuan bizi garen kinka honetan funtzeskoa da hitz egitea ikastetxeko bertako taldeen ekimenei buruz. Eleaniztasunaren erronkan ikastetxeek hizkuntz proiektuak lantzearekin batera hizkuntzen arteko elkarlanei nahiz hizkuntzak ez diren irakasgaien hizkuntza egoerei aurre egin behar dizkiete.

Otsailaren 11an, 25ean eta martxoaren 4ean, nahi izanez gero Uholde Handian, Donostiako Berritzegunean edukitako HTB-TIL-i buruzko ikastaroan tratatu diren edukiak –trinkoak izan badira ere- esteka honetan ikus daitezke.

Ikaskuntza Zerbitzua Proiektuak: ikasteko modu alternatibo bat?

Donostiako Berritzegunea Ikaskuntza Zerbitzu Proiektuen gaia lantzen aritu gara azken ikasturteetan zehar. Hain zuzen ere 11-12 eta 12-13 ikasturteetan, beste Hezkuntza Laguntza Zerbitzuekin batera (Valenciako CEFIRE, ´Hospitalet eko Servei Educatiu , Cantabriako CEP), Dos Mares izeneko Proiektuan hartu genuen parte MEC-eko ARCE markoaren barruan Ikaskuntza Zerbiztuari buruzko hainbat lan burutuz. Tartean, "Ikaskuntza-Zerbitzu Proiektuei aholku emateko gidaliburua" osatu eta argitaratu dugu 2014 urtean. Gaztelerazko Gida ere ikusgai dago: "Guía para el Asesoramiento de proyectos de Aprendizaje Servicio"

Aholkularitza Gida honetan, Ikaskuntza

Zerbitzuaren kontzeptua, osagaiak,

baldintzak, eremuak eta ikaskuntzen

inguruan aritu gara, eta ikastetxeetan 

aurkitu daitezkeen bost egoeren 

inguruan antolatu dugu aholkularitza:

1- Ikaskuntza-Zerbitzuari buruzko informazioa eta hedapena
2- Heziketa-Jardunbide egokien identifikazioa
3- Proiektu batean laguntzea
4- Ikaskuntza-Zerbitzua ikastetxearen proiektua
5- proiektuaren ebaluazioan laguntzea

Ekainak 28: LGTTIB Harrotasun eguna

Libre naiz! Libre izan beharko ginake guztiok! Baina denok jakin badakigu ez dela hau gertatzen leku guztietan. Izan ere munduko 7 herrialdeek, homosexualitatea heriotz-zigorrarekin zigortzen da eta beste 79 herrialde gehiagotan ilegaltzat jotzen da.

Larunbat honetan LGTBI kolektiboaren Nazioarteko harrotasun eguna ospatzen da. Aldarrikapenerako jai hau ekainaren 28an ospatzen da, 1969.urteko egun horretan 
“Stonewalleneko istiluak”gogoarazteko (New York, AEB). Polizia talde bat orduan hain 
gutxi zeuden taberna gay batera sartu zen, bat-batean. Edari alkoholdunen kontrola egiteko aitzakiarekin sartu ziren poliziak, baina bisitaren helburua askoz haratago zihoan: poliziak bezeroak iraindu eta eraso egin zieten. Honen ondorioz, kalea hartu zuten euren eskubideak aldarrikatzeko. Izanere,gertaera haiek ASKAPEN HOMOSEXUALERAKO MUGIMENDUAren hasiera ezarri zuten.  

LGTBI kolektiboek honakoa aldarrikatzen dute urte guztian zehar eta bereziki ekainak 28an:

• Pertsonen duintasuna eta osotasun fisikoa, -estatuetako gobernuen legeen bidez bermatu beharrekoak biak- errespetatzea. 
• Herritar guztiak errespetatzea, haien orientazio sexuala edozein dela ere.
• Lanerako eskubidea bermatzea, sexuaren ondoriozko inolako diskriminaziorik gabe.
• Espazio publikoan egindako adierazpen afektiboen ikusgarritasun publiko-soziala errespetatzea.
• Sexualitate anitzerako bidea egitea, mitorik gabe, konparaziorik gabe, inposiziorik gabe eta sexualitate askearen –aukera eta orientazio sexualerako askatasuna barne- aurkako jokabide guztien kontra gaude.

Beraz, aldarrikatu dezagun egunero pertsona guztien eskubideak! Mundu anitz batetik errealitate anitz batera!

Larramendi Ikastetxean, "Esku bizia" proiektua. Ikaskuntza-Zerbitzua bidean

.

 

Ikasturte honetan  Larramendiko DBH 4. mailako ikasleek "Esku Bizia" edo "Mano Viva" proiektua garatu dute. Eta ikasleen lana ez da eskola barruan bakarrik gelditu. Ikastetxeko paretetatik at, ikasle eta irakasleek elkarlanean aritu dira Antigua auzoko Gurutze Gorriko Zaharren Egoitzarekin eta Topic, Tolosako Nazioarteko Txotxongilo Zentroarekin.

 Karmele Cruz, Encarni Genua eta Urtxintxa eskolako kideekin lankidetzan, eta Ainhoa De Andres irakaslearen gidaritzapean, ikasleek pertsonaiak eta historioak sortu dituzte esku txotxongiloak erabiliz, eszenatoki eta guzti.
Disziplinarteko proiektua izan da, Curriculumeko hainbat arlo eta konpetentzia uztartu dituena: hizkuntza komunikazioa, artea eta kultura, giza eta herritar konpetentzia, autonomia eta ekimena...

Ikasleek eta heldu guztiek ikasitakoa partekatu egin dute. Norekin? Gurutze Gorriko Zaharren egoitzakideekin. Egindako historioak erakutsi eta kontatu zituzten ikasleek. Baina, ondoren, eta bertako arduradunekin bat eginez (Eva eta Montse) Zaherren egoitzako biztanleei historioak asmatzen, txotxongiloak mugitzen, pertsonaiak sortzen irakatsi zieten. Adin desberdinetako pertsonak elkarlanean, sormen lanean...
Larramendiko ikasle eta irakasleek ikasi, ikasi egin dute. Orain lehen baino gauza gehiago egiten dakite. Eta gainera, auzoari, komunitateari zerbitzu bat egin diote ikasitakoarekin. Perstonak, ezagutzak, auzoa...aberastu egin dira. Elkarren berri jakin dute. Ikasitakoari zentzua aurkitu diote ikasle askok, heldu askok eta agure askok elkarlanean ikaskuntza-zerbitzu proiektu bat garatuz..

Honelako proiektuak ugaritzen ari dira. Hain zuzen ere, egin berria da ere "Gazte Irekia" deialdian aurkeztutako proiektuen azalpena. Solidaritatea eta kooperazioa bultzateko uneak eta guneak sortzearen garrantzia azpimarratzen duena.

Ildo honetan ari gara ere Donostiako Berritzegunean, "Ikaskuntza Zerbitzua" proiektuak eskola eta komunitatearen artean sustatuz. Gure 14-15 eskaintzan azaltzen den bezala, bigarren hiruhilabetan antolatuko dugu prestakuntza gune bat, proiektu hauen nondik norakoak eta esperientziak azaltzeko.