2019(e)ko ekainaren 28(a)

IBAI Ikastolan, INGURUMENAren ALDE

2018-2019 ikasturtean, KONPETENTZIA ZIENTIFIOAren lanketaren baitan, eskolan sortzen diren hondakinen birziklapena aitzaki, eskola osoan proiektua garatu dute. Proiektu honetan, ziklo bakoitzak aurrikusitako erronka bati erantzuna emateko bere ikasprozesua, planifikatu eta aurrera eman du.
Honek komunitate osoan islada izan du eta honen adibide hirugarren zikloaren azken ekoizpena: kotoizko zorrotxoa.


AMA LURRA gure PLANETA denon arteko jarrera ARDURATSUAK ADOSTU eta AURRERA eraman.



2019(e)ko apirilaren 15(a)

KORRIKA 21ean KLIKA egin dugu BERRITZEGUNEkideok

2076. Kilometroan lekukoa eramatea egokitu zaigu, eta horretarako elkartu gara Berritzeguneko gehiengoaren izenean talde sendo bat ideia sendo batekin: Sistema eragilean klika egin eta hori bururaino eramatea. “Beraz, klika! Instalatu eta elika" eginez geure egunerokoan euskaraz bizitzen jarraituko dugu, are gehiago emozioz betetako KORRIKAren bultzada baliatuz.


Elkartasunean eta elkarri lekukoa emanez 2 alditan burutu dugu


Bideoa ere lekuko!









Horrela bada, bat gatoz eta geure egiten dugu lekuko baitako mezuarekin, Maialen Lujanbio Zugastik adierazi duen moduan:

“…KLIKA!

Hizkuntza ez da edukitzeko

Lizuna egiten zaio barruan gordeta, lika.

Beraz, KLIKA!

Instalatu eta elika…”


2019(e)ko apirilaren 12(a)

KORRIKA 21



GAUR DONOSTIAtik igaroko da. 
Donostiako ikasleak ere klika egiteko prest abiatuko dira.







KLIKA KORRIKA 2019-kanta

Mad Muasel:
Heldu da guztion andereƱoa
adi, adi, pasatuko dut zerrenda
je suis Mad Mua Sel ohlala!
Faty faty den soinua zabaltzen dut mundura
Guztiok bat egitea ezinbestekoa
bakoitzaren nortasuna errespetatzea
motorrak arrankatzeko momentuko aukera
gurea, herrikoa, KO RRI KA
Tipi tapa tipi tapa lortzen merezi duguna
martxan jartzen hasteko eginzazu KLIKA
ez dugu presarik helburua argi dago eta.
Pausuz pausu, gure erritmora!
Gure erritmora
nire, zure, gure erritmora
Hey Fermin, nola da?
GURE ERRITMORA
KLIKA KORRIKA KLIKA
GURE ERRITMORA
KLIKA KORRIKA KLIKA
KORRIKA!
Jai giroa, bero beroa
Orain oraingoa gero gerokoa
Oreka ez galtzeko oinarri sendoa
Hauxe da gure leloa:
PO-PO- PO- SIBLEA DA KLIKA ALDATZEA
elkarren artean konektatzea
Pra- pra- praktikatzea
euskara gure artean bizitzea
Lan ta lan, banaka, taldean 
Aukeratu zure lekua bidean
Herriaren arnasa sentitzen da 
Korrika datorrenean
Zu gabe, zu gabe, hau ez da posible
orain gaur eta hemen dena da POSIBLE
Gure erritmora
nire, zure, gure erritmora
KLIKA KORRIKA KLIKA
GURE ERRITMORA
KLIKA KORRIKA KLIKA
Fermin:
Klika, klika!
Altxa ezkerreko besoa
klika klika!
Orain altxa eskubikoa
Klika, klika!
Antenak ditugu piztuta
Klika, klika!
Gure sarea doa korrika
Klika, klika!
Euskal planeta ari da dantzan
Klika, klika!
Betikoak ari dira guri sermoika
Klika, klika!
Euskaraz egingo diet zirika
Klika, klika!
Ikimilikiliklik…a!!!
La Furia:
Suaren erritmora, hitzari bide eman
arbasoen dantzak, kulturaren gorputzean
Kantauriko brisa, Barde(a)tako ziertzoa
Gure Borrokan tinko jarraitzeko hauspoa
Pista argituko duen metxa piztu dadila
Herri feminista eta askearen alde Klika
Lekukoa neskatxari emango dioten,
Amamek ahotsa altxatu dezatela ozen,
Aterpea sentitzeko,
komunikatzen den herri bat ez da inoiz
zatituko.
Erriberatik la Furia banator korrika
Batu gaitezen guztiok arma tiro Klika!
Gure erritmora
Nire, zure, gure erritmora
KLIKA KORRIKA KLIKA
GURE ERRITMORA
KLIKA KORRIKA KLIKA
KORRIKA! 







2018(e)ko azaroaren 23(a)

IKT monografikoak

Ohi denez, hilean behin Donostialdeko IKT dinamizatzaileak elkartzen gara Berritzegune honetan gure etaparekin lotuta konpetentzia digitaleko hainbat gai jorratzeko. Bilkura horiei aurten beste elkargune bat gehituko diegu: monografikoak.
Bertan gai bakar bat landuko dugu, momentuaren edo interesen arabera. Adibidez, hurrengo egunetarako hauek daude programatuta:
Saio hauetan parte hartzeko ez da beharrezkoa zentroko IKT dinamizatzailea izatea; konpromisoa da etortzen den irakasleak bere mailan-zikloan eragin beharko lukeela eta bertan jasotako informazioa lankideei helarazi.
Izena eman behar da Berritzeguneko aplikazioan, kopuru minimoa elkartuko garela ziurtatzeko.
Saio hauen berri izan nahi baduzu, foro honetan apuntatu.

2018(e)ko azaroaren 20(a)

GOLDENGUNEA: Elkarreraginez praktika aberastu eta sarea sortu

Lurraldeko ikastetxeak aurtengo GOLDENGUNE sareko lehen topaketa izan genuen. 












World Kafe dinamikan oinarrituz  ikastetxeetako praktikaz aberastu ginen. 
Hiru galderen inguruan aritu ginen arrakastarako gakoak konpartitzen:
  • Zer egiten ari gara praktika hau ikastetxe osoan zabaltzeko eta orokortzeko? 
  • Gelako esperientzi zehatzak
  • Nola eraman tutoretza plan batera? Tutoretza planetik haratago: eskola komunitatearen elkarbizitza

Saioaren ainguraketa taldeetan jasotako ekarpenekin egin genuen.