Zuhaizti HLHI: Mediateka

Zuhaiztiko aholkulari erreferente naizenez, gaur eskolako mediateka bisitatzeko eta Margarekin, bertako arduradunarekin hiztegiteko aukera izan dut.

Dakizuenez Zuhaiztiren metodologia proiektu lanean oinarritzen da eta Mediateka ere testuinguru horretan kokatzen da, ikasleek proiektu baten informazio eta dokumentazio fasean Mediatekara jotzen dute baina  jarduera eta ekimen gehiago egiten dira ere.

Mediatekaren liburutegia

Mediatekaren ipuin kontaketa eta ikusteko gunea

Mediateka irekita dago eguerditan eta eskolak bukatu ondoren arratsaldeko 17:30 arte eta bertan ikasleak eta gurasoak egon daitezke lanean edota irakurtzen. Gurasoek ere bere txokoa dute, liburuekin eta prestamo zerbitzuarekin ere, Mediateka Zuhaizti hezkuntza komunitatearen benetazko bilgune bihurtuz.

Eskola orduetan talde guztiak pasatzen dira mediatekatik eta bere ordutegian islatzen da, irakasle batekin edo mediatekako arduradunarekin joaten dira eta han ataza desberdinak garatzen ari diren proiektuaren barruan burutzen dituzte.
Joan zen ikasturtean zehar 663 ikasle talde pasatu ziren eskola ordutegian, 5.880 ikasle eguerdian eta 1.996 arratsaldean!!!!

Eguneroko funtzionamendutik aparte zenbait ekintza antolatzen dira ere ikasturtean zehar, irakurketaren zaletasuna bultzatzeko helburuarekin: 

LIBURUTEGIAREN EGUNA
LIBRUAREN ASTEA: Apirilean eta liburuaren eguna ospakizunekin batera . Hainbat idazle, ipuinlari etortzen dira eta ikasleek beraiek kontaketa maratoia, kamishibai ipuinak eta beste liburutegiekin ere ekintzak elkartrukatzen dira.

IPUINAREN TXOKOA
MALETA BIDAIARIAK: Haur Hezkuntzako irakasleekin koordinaturik familia artean irakurketa sustatzeko materialekin zortzi maleta prestatzen direlarik.
LEHIAKETAK

Ikasleen parte hartzea ez da bakarrik mugatzen liburutegiaren "bezero" gisa, baizik ikasleek ere mediatekaren mantenu eta kudeaketa lanean ere aritzen dira bolondres gisa.

Ikasturte hoentan mediatekaren proiektu bikain honen "spin off" gisa beste ekimen berri batean dabiltza: 5.mailako eta 1. mailako berdinen arteko tutoretza hain zuzen. momentuz bi talde ari dira eta momentuz oso balorazio ona egiten ari dira. 

Zoriondu besterik ez zait geratzen.

Proiektuka lan eginez, Lauaizeta Institutuan

Ikasturte honetan Lauaizeta BHIko irakasle taldeak proiektuka lan egiteko metodologiari erabiltzeari ekin dio.

Badira urte batzuk institutu honetako irakasleek ikasleen partaidetza aktiboa sustazen dutela hainbat bide bultzatuz: ikaskuntza kooperatiboa lantzeko egiturak martxan jarriz, talde lanean arituz, tresna digitalen erabilera orokortuz, komunikazio gaitasunak landuz...

Hezkuntza proiektuan azaltzen den bezala, Lauaizeta BHIk hainbat 
helburu nagusi mahaigaineratu ditu:

- Ikasleengan, norberaren heziketa helburuak finkatzea eta garatzeko interesa eta zaletasuna bultzatzea, bere ahalmena, ezaugarri eta interesak kontutan izanik

- Talde lan, erantzukizun , analisia ahalmenerako, etabarreko gaitasuna garatzen lagunduko duen irakasleriaren jokaera eredugarria indartzea

- Irakaskuntza-ikaskuntza prozesuan erabiltzen diren metodoek ikasleen partaidetza eta jakinmina bultza dezatela indartzea.

 . 
Proiektuta arituz ikasteko ikuspegi honi buruz lanean hasi baino lehen kontutan hartu beharreko ezaugarriak landu genituen:
- Ikasleek zuzendutako eta ikasleengan oinarritutako ikaskuntza da
- Fase anitzak ditu: hasiera, garapena, itxiera. aurkezpena...
- Edukiak esanguratsuak dira eta errealitatearekin lotuak daude
- Ikerketa prozesuen bidez lantzen da eta currciculuma eta oinarrizko konpetentziekin lotuta dago,
- Talde lana du oinarrietako bat eta lanaren ondorengo ekoizpen jakin bat dago...
- Entzule erreal bati azalduko zaiona
- Ebaluazioa eta autoebaluazioa tartean delarik

 Ondoren, proiektuka lan egiteko pausoak landu genituen:
- Proiektuaren gaia/ardatza erabaki (ikasleekin batera hobe)
- Curriculumaren helburuak eta edukiak identifikatu. Konpetentziak kontutan hartuz.
- Jarduera interesgarri batekin hasiz...
- Ikasleek bere ikas asmoak eta desirak formulatu, hitz gakoak jasoz
- Azken ekoizpena zein izango de eta nola azalduko den erabaki.
- Ikerketa eta planifikazio fasea, garapen fasea eta azalpen+ebaluazio fasea kotitan hartu
- Ikaste lorpenak proiektuaren hasieran formulatu eta partekatu (rubrika edo txantiloia erabiliz agian)
- Lagun kritikoen ikuspegia erabiliz egindako lanen alderatzea eta errebisioa eginez joan
- Azalpen publikoa egin, ikasitakoari buruzko hasunarketarekin bukatuz.

 Guzti hau, irakasleen  talde lanean jorratu zen, praktikan garatzen ari diren proiektuak eta atazak mahaigaineratuz eta eztabaidatuz. Zein onurak ditu honela lan egiteak ikasleentzat eta irakasleentzat?

Autonomia, motibazioa sormena eta elkarlana garatzeko ikuspegi aproposa bezala ikusi zen. Aniztasuna kontutaz hartuz, harremanak eta giroa zaintzeko lan egiteko modu eraginkorra. 

Proiektuka lanean aritzearen ikuspegia eta atazaka aritzearenak zerikusi haundia dute. Leioako BGko Pilar Etxeberriak argitaratutako "ataza" dokumentua erabilgarria egin zitzaigun, azken ekoizpen testuen dokumentua bezala: Eremu soziolingüistikoko ekoizpenak eta zientzia-teknologia eremukoak.



 
Lauazieta BHIko pasilo, sarrera eta geletan ikasleak ikerketa lanetan ikusten ditugu: Natur Zientziak, Euskera, Plastika, Matematika, Gizarte Zientziak, Teknologian... azalpenak egiten, argudioak garatzen, tresna digitalak erabiltzen , proiektuak asmatzen, sormena lantzen...

Bide eraginkorra izango delakoan gaude!