Tutoretza Plana elikatzeko baliabideak

Oraingo honetan kontsultoreen mintegian orientazio arloaren edukiak lantzeko baliabideak aurkeztu ditugu.

Talde lanean gure esperientzietatik abiatuta baliabideak aztertu eta taldeko ekarpenak elkarrekin konpartitu ditugu.

Denon elkarreraginean oinarrituta,  Ikastetxeetako praktika eta baliabideak saioan aurkeztutako baliabidei gehitzen joango gara .

Honen berri gure moodlean : labur.eus/kontsultore1819

Kontsultore mintegiko kideak Tutoretza Planean murgildu gara

Kontsultore mintegiko bigarren saioa izan dugu gaur. Tutoretza Plana lantzen hasteko ikastetxeetako egoerak ezagutzen abiatu gara. Abiapuntu egokia izan da saioa irekitzeko, aukera eman digulako bidea nondik egin dezakegun ikusteko.

Ikastetxeetako egoerak partekatzen

Ondoren, Tutoretza Planak behar dituen elementuak aztertu ditugu: atalak, konpetentziak, esku-hartze eremuak, tutorearen zereginak, orientazio arloaren eduki-multzoak... Horretarako oinarri izan dugu 2007-08 ikasturtean Hezkuntza Sailak argitara eman zuen "Oinarrizko Hezkuntzarako Tutoretza Plana egiteko orientabideak" dokumentua eta osagarri diren beste batzuk, hala nola, Tutoretza Lehen Hezkuntzan: laguntzeko eskuliburua eta Ikasturte hasierako ebazpena.

Azkenik, Orientazio arloaren lau blokeetan biltzen diren edukiak eta lorpen-adierazleak aukeratzen aritu gara. Taldean jarrita, ikasleek beraiek autoebaluazio modura baloratu ditzaketen adierazleak lotu ditugu bloke bakoitzeko edukiekin. Gogoeta aberatsa izan da

EGUNERAKETA (2019-05-19)
Mintegian jasotako informazioa eta erabilitako materialak, Berritzeguneko moodlean duzue eskura